19357

ཉིད་ (1)

Part of speech	གྲོགས་ཚིག
Definition	མིང་གང་ཡང་རུང་བའི་མཐའ་ལ་སྦྱར་ན་ངོ་བོའི་གཤིས་སམ་རང་བཞིན་སྟོན་ཏེ།
Example	ཆོས་ཉིད། དེ་བཞིན་ཉིད། མེའི་རང་བཞིན་ཚ་བ་ཉིད་ལྟ་བུ།

ཉིད་ (2)

Part of speech	གྲོགས་ཚིག
Definition	མིང་གང་ཡང་རུང་བའི་མཐའ་ལ་སྦྱར་ན་གཞན་བཅད་ནས་ངེས་བཟུང་གི་དོན་དུ་འཇུག་སྟེ།
Example	ང་ཉིད། ཁོང་ཉིད། བདག་ཉིད། ཁོ་རང་ཉིད།

ཉིད་ (3)

Part of speech	གྲོགས་ཚིག
Definition	གང་ཟག་གི་ཚབ་ཚིག་གམ། མི་དང་འབྲེལ་བའི་མིང་གི་མགོ་མཇུག་གང་རུང་ལ་སྦྱར་ན་ཞེ་ས་བྱེད་པ་སྟེ།
Example	ཁྱེད་ཉིད་གང་དུ་ཕེབས་པ་ཡིན། སྐུ་ཉིད་ལྷོད་བཞུགས་གནང་རོགས་ལྟ་བུ།

ཉིད་ (4)

Part of speech	གྲོགས་ཚིག
Definition	རྒྱན་ཚིག་དང་མིང་ཚིག་གང་རུང་གི་མཐའ་ལ་སྦྱར་ནས་དེ་ལ་ཕྲད་ཅི་རིགས་སྦྱར་ཚེ། ཙམ་དང་ཁོ་ནའི་དོན་དང་འདྲ་བར་གཅིག་ཚིག་སྟོན་པའི་གྲོགས་ཚིག་ཅིག་སྟེ།
Example	སྐད་ཅིག་ཉིད་ལ་མཁས་པར་འགྱུར་མི་ཐུབ། སྔ་ཙམ་ཉིད་ནས་སློབ་སྦྱོང་ལེགས་པོ་བྱས་ན་བཟང་ལྟ་བུ།

ཉིད་ (1)

Part of speech	ཚབ་ཚིག
Definition	ཁྱེད་ཅེས་པ་དང་དོན་གཅིག་སྟེ།
Example	ཉིད་ཀྱི་དགོངས་པ་བཞིན་དུ་བསྒྲུབ་ངེས་ཡིན་ལྟ་བུ།
Type	ཞེ་ས།