19595

ཉེ་བའི་མཚམས་མེད་པ་ (1)

Part of speech	མིང་ཚིག
Definition	མཚམས་མེད་ཀྱི་ལས་བཞིན་དུ་གདོན་མི་ཟ་བར་དམྱལ་བ་དག་ཏུ་སྐྱེ་བར་བྱེད་པའི་ལས་ཏེ། མཚམས་མེད་ལྔ་དང་ཆ་འདྲ་བའི་ལས་ཡིན་པའི་ཕྱིར་རོ། །དེ་ཡང་དགྲ་བཅོམ་མ་ལ་འདོད་ལོག་སྤྱོད་པ། བྱང་སེམས་ངེས་གནས་གསོད་པ། སློབ་པའི་དགེ་འདུན་གསོད་པ། དགེ་འདུན་གྱི་འདུ་སྒོ་འཕྲོག་པ། མཆོད་རྟེན་བཤིག་པ་སྟེ། ལྔ་པོ་འདི་དག་ནི་གོ་རིམས་བཞིན་དུ་མཚམས་མེད་པ་ལྔ་དང་ཉེས་པ་ཆ་འདྲ་བས་ཉེ་བ་ཞེས་བྱ་སྟེ། འདི་རྣམས་ཀྱིས་ཀྱང་དམྱལ་བ་ཁོ་ནར་སྐྱེ་བའི་ཕྱིར་རོ། །དེ་ལ་ཁ་ཅིག་གིས། འདི་དག་བྱས་ན་ཡང་དམྱལ་བ་ཁོ་ནར་རྣམ་པར་སྨིན་པར་འགྱུར་མོད་ཀྱི། འོན་ཀྱང་མཚམས་མེད་དང་ཁྱད་པར་མེད་པར་འགྱུར་བའི་ཕྱིར་བར་མེད་པ་ཁོ་ནར་ནི་མ་ཡིན་ནོ་ཞེས་འཆད་ལ། ཡང་ཁ་ཅིག་གིས། བར་མེད་པར་སྐྱེ་ཡང་དུས་དང་རྣམ་སྨིན་ཆེ་ཆུང་མི་འདྲ་བས་མཚམས་མེད་དང་ཁྱད་པར་ཡོད་པས་ན་མཚམས་མེད་པ་དང་ཆ་འདྲ་བར་འདོད་དོ། །
Domain	ཆོས་ལུགས།