1983

ཀུན་ནས་ཉོན་མོངས་ཀྱི་རྟེན་འབྲེལ་སྒོམ་པ་ (1)

Part of speech	མིང་ཚིག
Definition	མ་རིག་པའི་རྐྱེན་གྱིས་འདུ་བྱེད་འབྱུང་ཞེས་པ་ནས་སྐྱེ་བའི་རྐྱེན་གྱིས་རྒ་ཤི་འབྱུང་ཞེས་པའི་བར་གྱི་སྒོམ་ཚུལ་ནི་ཀུན་ནས་ཉོན་མོངས་ཀྱི་རྟེན་འབྲེལ་ལུགས་མཐུན་དུ་སྒོམ་ཚུལ་ཡིན་ཏེ། རྣལ་འབྱོར་པའི་བློ་ལ་སྣང་བའི་རྟེན་འབྲེལ་གྱི་རིམ་པ་དང་། ཀུན་ནས་ཉོན་མོངས་ཀྱི་རྟེན་འབྲེལ་གྱི་རིམ་པ་མཐུན་པའི་སྒོམ་ཚུལ་ཡིན་པའི་ཕྱིར། འདིའི་དགོས་པ་ནི་ལས་ཉོན་གྱི་འབྲས་བུ་མཐར་ཐུག་པ་སྡུག་བསྔལ་དུ་རྟོགས་པའི་ཆེད་ཡིན་ནོ། །རྒ་ཤི་གང་ལས་བྱུང་སྐྱེ་བ་ལས་བྱུང་ཞེས་པ་ནས་འདུ་བྱེད་གང་ལས་བྱུང་མ་རིག་པ་ལས་བྱུང་ཞེས་པའི་བར་གྱི་སྒོམ་ཚུལ་ནི་ཀུན་ནས་ཉོན་མོངས་ཀྱི་རྟེན་འབྲེལ་ལུགས་བཟློག་ཏུ་སྒོམ་པའི་ཚུལ་ཡིན་ཏེ། རྣལ་འབྱོར་པའི་བློ་ལ་སྣང་བའི་རྟེན་འབྲེལ་གྱི་གོ་རིམ་དང་། ཀུན་ནས་ཉོན་མོངས་ཀྱི་རྟེན་འབྲེལ་སྐྱེ་བའི་རིམ་པ་མི་མཐུན་པའི་སྒོམ་ཚུལ་ཡིན་པའི་ཕྱིར། འདིའི་དགོས་པ་ནི་སྡུག་བསྔལ་གྱི་རྩ་བ་མཐར་ཐུག་པ་མ་རིག་པར་རྟོག་པའི་ཆེད་ཡིན་ནོ་ཞེས་ཀུན་མཁྱེན་གོ་རམས་པའི་རྟེན་འབྲེལ་རབ་གསལ་ལས་སོ། །
Domain	ཆོས་ལུགས།