19904

ཉོན་མོངས་ཆུང་ངུའི་ས་མང་བ་ (1)

Part of speech	མིང་ཚིག
Definition	མདོ། མངོན་པ། ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས། ཁྲོ་བ་དང་འཁོན་དུ་འཛིན་པ་དང་། གཡོ་དང་ཕྲག་དོག་དང་འཚིག་པ་དང། འཆབ་པ་དང་སེར་སྣ་དང་སྒྱུ་དང་རྒྱགས་པ་དང། རྣམ་པར་འཚེ་བ་སྟེ་བཅུ་ནི་མ་རིག་པ་ཙམ་དང། སྒོམ་སྤང་དང་ཡིད་ཀྱི་ས་པ་ཁོ་ན་དང་མཚུངས་པར་ལྡན་པས་ཉོན་མོངས་ཆུང་ངུའི་ས་པ་རྣམས་སོ་ཞེས་གསུངས་སོ། ། ཀུན་མཁྱེན་གོ་རམས་པའི་ངོ་མཚར་སུམ་ལྡན་ལས། ཁྲོ་བ་སོགས་ཉེ་ཉོན་བཅུ་ཚན་དང་པོ་ནི། ཉོན་མོངས་ཆུང་ངུའི་ས་པར་བཞག་སྟེ། ཆགས་སྡང་སོགས་ལྔ་དང་རྣམ་པ་འགལ་བས་མ་རིག་པ་ཙམ་དང་མཚུངས་པར་ལྡན་པ་དང། བདེན་པ་ལ་ལོག་པར་མི་རྟོག་པས་སྒོམ་སྤང་གི་སེམས་དང་མཚུངས་པར་ལྡན་པ་དང། སྒྲ་དོན་འདྲེས་འཛིན་གྱི་རྟོག་པ་ཡིན་པས་ཡིད་ཙམ་དང་མཚུངས་པར་ལྡན་པའི་ཕྱིར་རོ་ཞེས་གསུངས་སོ། །
Domain	ཆོས་ལུགས།