20308
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | ཁོང་ནི་རབ་བྱུང་དྲུག་པའི་ཆུ་ཕོ་སྤྲེལ་ལོ་སྟེ་ཕྱི་ལོ་ ༡༣༣༢ ལོར་ཡུལ་ཤ་ལ་ཟུག་ཏུ་ཡབ་ཏཱ་ཤྲཱི་ཀུན་དགའ་རྒྱལ་མཚན་དང་། ཡུམ་མ་གཅིག་བསོད་ནམས་དཔལ་གཉིས་ཀྱི་སྲས་སུ་སྐུ་འཁྲུངས། རབ་བྱུང་དྲུག་པའི་ཤིང་ཕོ་འབྲུག་ལོ་སྟེ་ཕྱི་ལོ་ ༡༣༦༤ ལོར་ལྷ་ཁང་བླ་བྲང་དུ་སྐུ་གཤེགས། ཁོང་དགུང་ལོ་དྲུག་པར་ས་སྐྱའི་གདན་ས་ཆེན་པོའི་ཁྲི་ལ་ཕེབས་ཤིང་གཞི་ཐོག་བླ་བྲང་གི་གདན་སའང་མཛད། དེ་ནས་བླ་མ་དམ་པ་བསོད་ནམས་རྒྱལ་མཚན་དང་། ཀུན་མཁྱེན་ཇོ་ནང་པ། བུ་སྟོན་རིན་ཆེན་གྲུབ། ས་བཟང་མ་ཏི་པཎ་ཆེན་སོགས་བསྟེན་ཏེ་ཡབ་མེས་ཀྱི་བཀའ་ཆོས་དང་། མདོ་སྔགས་གཉིས་ཀྱི་ཟབ་དོན་བཟང་པ་ཐུགས་སུ་ཆུད་པར་མཛད། ཁྱད་པར་དུ་རྒྱས་པའི་བསྟན་བཅོས་ཚད་མ་རྣམ་འགྲེལ་ལ་ས་པཎ་ཀུན་དགའ་རྒྱལ་མཚན་དང་། འུ་ཡུག་པ་རིག་པའི་སེང་གེ་གཉིས་ཀྱི་འོག་ནས་ཁོང་ལས་རྩོད་པ་བཟང་བ་མ་བྱུང་བར་གྲགས། ཡོན་གོང་མས་སྔར་ལུགས་ལྟར་ཏཱ་དབེན་གུ་ཤྲཱིའི་ཆོ་ལོ་དང་ཐམ་ཁ་གནང་། དགུང་ལོ་བཅོ་བརྒྱད་པ་རབ་བྱུང་དྲུག་པའི་ས་མོ་གླང་ལོ་སྟེ་ཕྱི་ལོ་ ༡༣༤༩ ལོར་ས་སྐྱའི་སྲིད་དབང་ཕག་གྲུ་བྱང་ཆུབ་རྒྱལ་མཚན་གྱིས་བླངས་ཏེ་ས་སྐྱ་པས་བོད་སྤྱི་ལ་དབང་བསྒྱུར་བའི་ཆབ་སྲིད་མཇུག་བསྒྲིལ་བ་ཡིན། དགུང་ལོ་སུམ་ཅུ་སོ་གསུམ་པར་དགོངས་པ་ཆོས་དབྱིངས་སུ་ཐིམ། ཁོང་ནི་ས་སྐྱའི་གདན་ས་ཆེན་མོའི་ཁྲི་རབས་བཅུ་བཞི་པ་ཡིན་ནོ། ། |
{{#arraymap:ཏཱ་དབེན་བློ་གྲོས་རྒྱལ་མཚན་
|; |@@@ | | }}