20582

ཏིང་ངེ་འཛིན་གྱི་ས་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། དུས་འཁོར་སྦྱོར་དྲུག ཇོ་ནང་། ལས་རླུང་དབུགས་སྟོང་བརྒྱད་བརྒྱ་རེ་འགགས་པ་ལས་ཏིང་ངེ་འཛིན་གྱི་ས་རེ་རེ་ཐོབ་པར་འགྱུར་ཞིང་། གསང་བའི་འཁོར་ལོའི་ཕྱེད་མི་འགྱུར་པའི་ཐིག་ལེས་གང་བ་ན། ས་དང་པོ་དང་། ཕྱེད་ཕྱི་མས་གཉིས་པ་དང་། དེ་བཞིན་དུ་སྦྱར་ཏེ་ལྟེ་བའི་ཕྱེད་ཀྱིས་གསུམ་པ་དང་། རིལ་པོས་བཞི་པ་དང་། སྙིང་གའི་ཕྱེད་ཀྱིས་ལྔ་པ་དང་། རིལ་པོས་དྲུག་པ་དང་། མགྲིན་པའི་ཕྱེད་ཀྱིས་བདུན་པ་དང་། རིལ་པོས་བརྒྱད་པ་དང་། དཔྲལ་པའི་ཕྱེད་ཀྱིས་དགུ་པ་དང་། རིལ་པོས་བཅུ་པ་དང་། གཙུག་ཏོར་གྱི་ཕྱེད་ཀྱིས་བཅུ་གཅིག་པ་དང་། གཙུག་ཏོར་རིལ་གྱིས་གང་བས་བཅུ་གཉིས་པ་ཐོབ་པའོ། །
Domain	ཆོས་ལུགས།

ཏིང་ངེ་འཛིན་གྱི་ས་ (2)

Part of speech

མིང་ཚིག

Definition

མ་ཧཱ་ཡོ་ག རྙིང་མ། གསང་སྔགས་རྡོ་རྗེ་ཐེག་པའི་གཞུང་ལས་སངས་རྒྱས་ཀྱི་ས་ལ་ཡོན་ཏན་གྱི་བྱེ་བྲག་ལ་བརྟེན་ནས་རྣམ་པར་ཕྱེ་བའི་ཡ་གྱལ་ས་བཅོ་ལྔ་པ་སྟེ། ཕྱོགས་བཅུའི་མུན་སེལ་ལས། ཡོན་ཏན་གྱིས་ཕྱེ་བས་དེ་དང་དེ་ལས་མང་བར་ཡང་གསུངས་ཏེ། བདེ་བ་ཚད་མེད་པས་བཅུ་བཞི་པ་བདེ་བ་ཆེན་པོ། བཅོ་ལྔ་པ་ཏིང་ངེ་འཛིན། བཅུ་དྲུག་པ་ཡེ་ཤེས་བླ་མ་ཞེས་གྲགས་ཤིང་། དོན་གྱི་ངོ་བོ་ལ་གྲུབ་བསལ་མེད་པས་ས་གཅིག་ཏུའང་བཤད་དེ། ཀུན་ཏུ་བཟང་པོ་དབྱེ་བ་མེད་པ་རྫོགས་པ་ཆེན་པོར་གཅིག་པ་སྟེ། ཀུན་བྱེད་ལས། གཅིག་ནི་ཀུན་བྱེད་བྱང་ཆུབ་སེམས་ཀྱི་ས། ཞེས་སོ། །ཞེས་གསུངས།