21168

ཐ་སྙད་དུ་གང་ཟག་བཏགས་ཡོད་དུ་གྲུབ་ཚུལ་ (1)

Part of speech	མིང་ཚིག
Definition	མདོ། དབུ་མ། འཇིག་རྟེན་གྱི་ཐ་སྙད་དུ་ང་འོ་བདག་གོ ། ཞེས་གང་ཟག་བདེན་པའི་ཐ་སྙད་བྱེད་པའི་དོན་ལ་རིགས་པ་རྣམ་པ་བདུན་གྱིས་བཙལ་བའི་ཚེ་མ་རྙེད་པས་ང་དང་། བདག་དང་སྐྱེས་བུ་སོགས་བརྟེན་ནས་བཏགས་པ་ཙམ་གྱིས་ཀུན་རྫོབ་ཏུ་གྲུབ་སྟེ། འཇུག་པར། དེ་ནི་དེ་ཉིད་དུ་འམ་འཇིག་རྟེན་དུ། །རྣམ་པ་བདུན་གྱིས་འགྲུབ་གྱུར་མིན་མོད་ཀྱི། །རྣམ་དཔྱད་མེད་པར་འཇིག་རྟེན་ཉིད་ལས་འདིར། །རང་གི་ཡན་ལག་བརྟེན་ནས་འདོགས་པ་ཡིན། །ཞེས་ཤིང་རྟ་རྣམ་པ་བདུན་གྱིས་བཙལ་ན་མ་རྙེད་ཀྱང་མ་དཔྱད་པའི་ངོར་རང་གི་ཡན་ལག་ལ་བརྟེན་པའི་ཤིང་རྟ་འདོགས་ཚུལ་དང། བདག་ཕུང་པོ་ལ་བརྟེན་ནས་འདོགས་ཚུལ་མཚུངས་པར་གསུངས་པའི་ཕྱིར། བདག་བརྟེན་ནས་བཏགས་པ་འདིའང་དབུ་མ་པའི་ལུགས་ཀྱི་ཐུན་མོང་མ་ཡིན་པའི་ཀུན་རྫོབ་བདེན་པ་ཡིན་ཏེ། འཇུག་པར། འདི་ནི་ཕུང་པོ་རྣམ་བརྟེན་འགྲུབ་པར་གྱུར། །ཞེས་པའི་འགྲེལ་བར། ཇི་ལྟར་འདི་ལ་བརྟེན་ནས་འདི་འབྱུང་ཞེས་བྱ་བ་འདི་ཙམ་ཞིག་ཀུན་རྫོབ་ཀྱི་བདེན་པའི་རྣམ་པར་གཞག་པ་མ་ཆད་པར་བྱ་བའི་ཕྱིར། ཁས་ལེན་གྱི་རྒྱུ་མེད་པ་ལ་སོགས་པ་དག་ལས་སྐྱེ་བ་མ་ཡིན་པ་དེ་བཞིན་དུ་འདིར་ཡང་རྟེན་ནས་གདགས་པ་ལ་ཡང་དག་པར་བརྟེན་པ་ན་ཇི་སྐད་བཤད་པའི་སྐྱོན་དང་ལྡན་པའི་རྣམ་པ་བསལ་ནས་ཕུང་པོ་རྣམས་ལ་བརྟེན་ནས་གདགས་པ་ཞེས་བྱ་བ་འདི་ཙམ་ཞིག་འཇིག་རྟེན་གྱི་ཐ་སྙད་རྣམ་པར་གནས་པར་བྱ་བའི་ཕྱིར་ཁས་བླངས་པར་བྱ་སྟེ། བདག་དུ་ཐ་སྙད་བཏགས་པ་མཐོང་བའི་ཕྱིར་རོ། །ཞེས་གསུངས་པས་སོ། །འདིར་ཡང་རང་སྡེ་དངོས་པོར་སྨྲ་བ་དང། དབུ་མ་པ་གཉིས་གང་ཟག་བཏགས་ཡོད་དུ་འདོད་པར་འདྲ་ཡང། གདགས་གཞི་རྫས་ཡོད་དགོས་པ་དང་མི་དགོས་པའི་ཁྱད་པར་གྱིས་བཏགས་ཡོད་ཉིད་མི་འགྲུབ་པ་དང་། འགྲུབ་པའི་ཁྱད་པར་ཤེས་པར་བྱའོ། །ཞེས་ཀུན་མཁྱེན་གོ་རམས་པའི་དབུ་མའི་སྤྱི་དོན་ལས་གསུངས་སོ། །
Domain	ཆོས་ལུགས།

{{#arraymap:ཐ་སྙད་དུ་གང་ཟག་བཏགས་ཡོད་དུ་གྲུབ་ཚུལ་

|; |@@@ | | }}