2118

ཀུན་འགྲོའི་རྒྱུ་ (1)

Part of speech	མིང་ཚིག
Definition	མདོ། མངོན་པ། ཀུན་འགྲོ་ཞེས་བྱ་བའི་ཉོན་མོངས་ཅན་གང་ཞིག། རང་འབྲས་རང་སས་བསྡུས་པའི་ཉོན་མོངས་ཅན་ཕྱི་མ་བསྐྱེད་པ་སྟེ། གང་ཞིག་གིས་སྐལ་མཉམ་གྱི་རྒྱུ་གཞན་རྣམས་གཅོད། རང་སས་བསྡུས་པའི་ཉོན་མོངས་ཅན་གྱིས་རྣམ་སྨིན་གྱི་རྒྱུ་གཅོད། ཕྱི་མ་ཞེས་པས་ལྷན་ཅིག་འབྱུང་བ་དང་མཚུངས་ལྡན་གྱི་རྒྱུ་གཅོད། མཚན་གཞི་ལ་གང་ཞིག་གི་དོན་ནི་སྡུག་བསྔལ་མཐོང་སྤང་གི་ལྟ་བ་ལྔ། ཀུན་འབྱུང་མཐོང་སྤང་གི་ལོག་ལྟ་དང། ལྟ་བ་མཐར་འཛིན་གཉིས། དེ་གཉིས་ཀྱི་ཐེ་ཚོམ་གཉིས། དེ་དང་མཚུངས་ལྡན་དང། མ་འདྲེས་པའི་མ་རིག་པ་རིས་གཉིས་ཏེ་བཅུ་གཅིག་གོ ། དེ་དག་ཀྱང་རང་དང་དུས་མཉམ་ལ་རྒྱུ་གཉིས་དང། ཕྱི་མ་རྣམས་ལ་རྣམ་སྨིན་གྱི་རྒྱུར་འགྱུར་བ་ཡོད་ཀྱང་འདིར་ནི་རང་སས་བསྡུས་པའི་ཉོན་མོངས་ཅན་གྱི་ཕྱི་མ་བསྐྱེད་པའི་ཆའོ། །དེ་ལྟར་ན་འདི་དང་སྐལ་མཉམ་གྱི་རྒྱུ་གཉིས་ལ་མུ་བཞི་ལས་གཉིས་ཀ་ཡིན་པ་ནི་སྤང་བྱ་རིས་གཉིས་པ་རང་གི་རིས་ཕྱི་མ་བསྐྱེད་པའི་ཆའོ། །སྐལ་མཉམ་གྱི་རྒྱུ་ཡིན་ལ་ཀུན་འགྲོའི་རྒྱུ་མ་ཡིན་པ་ནི་དེ་ལས་གཞན་པའི་སྐལ་མཉམ་གྱི་རྒྱུ་རྣམས་སོ། །ལྡོག་པ་ནི་སྔར་གྱི་སྤང་བྱ་རིས་གཉིས་པོ་རང་སས་བསྡུས་པའི་རིས་གཞན་གྱི་ཉོན་མོངས་ཅན་གྱི་རྒྱུར་འགྱུར་བ་ལྟ་བུའོ། །གཉིས་ཀ་མིན་པ་ནི་ལྷན་ཅིག་འབྱུང་བ་དང་། མཚུངས་ལྡན་དང་། རྣམ་སྨིན་གྱི་རྒྱུ་ལྟ་བུའོ་ཞེས་ཀུན་མཁྱེན་གོ་རམས་པའི་ངོ་མཚར་སུམ་ལྡན་ལས་སོ། ། ཀུན་འགྲོའི་རྒྱུ་ནི་རང་དང་ས་གཅིག་པའི་ཉོན་མོངས་ཅན་ཕྱི་མ་སྐྱེ་བའི་གོ་འབྱེད་པ་ལ་ལྟོས་ནས་ཀུན་འགྲོའི་རྒྱུ་སྟེ་འདིས་ནི་སྐལ་མཉམ་ལྟར་སྤང་བྱ་རིགས་མཐུན་ཁོ་ནའི་རྒྱུ་བྱེད་པ་མ་ཡིན་གྱི་སྤང་བྱ་རིགས་ལྔ་ཆར་གྱི་རྒྱུ་བྱེད་པས་ཀུན་འགྲོ་ཞེས་བྱའོ། །ཀུན་འགྲོའི་རྒྱུ་ནི་ཉོན་མོངས་ཅན་ཕྱི་མ་རྣམས་ཀྱི་རྒྱུ་རང་སའི་ཀུན་འགྲོ་སྔར་སྐྱེས་པ་རྣམས་ཏེ། ཞེས་སོ་ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། །
Domain	ཆོས་ལུགས།

{{#arraymap:ཀུན་འགྲོའི་རྒྱུ་

|; |@@@ | | }}

ཀུན་འགྲོའི་རྒྱུ་ (2)

Part of speech

མིང་ཚིག

Definition

རྒྱུ་དྲུག་གི་ནང་གསེས་ཤིག ཁམས་གསུམ་ཐམས་ཅད་དུ་འགྲོ་ཞིང་རྣམ་གྲོལ་ཐོབ་པ་ལ་གེགས་བྱེད་པའི་ཉོན་མོངས་ཅན་གྱི་ཆོས་རྣམས་སྐྱེད་པར་བྱེད་པ་ཕྲ་རྒྱས་ཀྱི་དངོས་པོ་རྣམས་སོ། །རང་གི་ས་པའི་ཉོན་མོངས་པ་ཅན་གྱི་ཆོས་སྔར་སྐྱེས་པ་རྣམས་ཉོན་མོངས་པ་ཅན་གྱི་ཆོས་ཕྱི་མ་རྣམས་ཀྱི་ཀུན་ཏུ་འགྲོ་བའི་རྒྱུ་ཡིན་ནོ། །དེ་ཡང་སྡུག་བསྔལ་མཐོང་སྤང་གི་ལྟ་བ་ལྔ་དང་ཐེ་ཚོམ་དང་མ་རིག་པ་སྟེ་བདུན་དང་། ཀུན་འབྱུང་མཐོང་སྤང་གི་ལྟ་བ་མཆོག་འཛིན་དང་། ལོག་ལྟ་དང་། ཐེ་ཚོམ་དང་། མ་རིག་པ་དང་བཞི་སྟེ་བཅུ་གཅིག་རྣམས་ཡིན་ཏེ། ཉོན་མོངས་པ་ཅན་རྣམས་ཀྱི་སྔོན་དུ་འགྲོ་བའི་རྒྱུ་ཐུན་མོང་མ་ཡིན་པ་ཡིན་པའི་ཕྱིར་རོ། །གཞན་ཡང་རིས་གཞན་ནི་རིས་གཞན་གྱི་ཀུན་འགྲོའི་རྒྱུ་ཡིན་ཏེ། སྡུག་བསྔལ་དང་ཀུན་འབྱུང་མཐོང་སྤང་ནི་ཉོན་མོངས་པའི་རིས་ལྔ་ཆར་གྱི་ཀུན་འགྲོའི་རྒྱུ་ཡིན་པའི་ཕྱིར་རོ། །ཀུན་འགྲོའི་རྒྱུ་ཡོད་པར་ཤེས་བྱེད་ཀྱི་ལུང་ནི། སྐྱེས་བུ་གང་ཟག་ལོག་པར་ལྟ་བ་ཅན་གྱི་ལུས་ཀྱི་ལས་གང་ཡིན་པ་དང་། ངག་གི་ལས་གང་ཡིན་པ་དང་། སེམས་པ་གང་ཡིན་པ་དང་། སྨོན་པ་གང་ཡིན་པ་དང་། དེ་དག་དང་རྗེས་སུ་མཐུན་པའི་འདུ་བྱེད་གང་ཡིན་པ་དེ་ཐམས་ཅད་མི་འདོད་པར་འགྱུར་བར་མི་སྡུག་པར་འགྱུར་བ་དང་། མི་དགའ་བ་ཉིད་དུ་འགྱུར་བ་དང་། ཡིད་དུ་མི་འོང་བ་ཉིད་དུ་འགྱུར་བར་བྱེད་པའོ། །ཞེས་ཀུན་འགྲོའི་རྒྱུ་སྟོན་པའི་མདོའོ། །ཞེས་བྱེ་བྲག་ཏུ་སྨྲ་བ་འདོད་དོ། །

{{#arraymap:ཀུན་འགྲོའི་རྒྱུ་

|; |@@@ | | }}