21180

ཐ་སྙད་བཞི་ (1)

Part of speech	མིང་ཚིག
Definition	མཐོང་བའི་ཐ་སྙད་ནི། གང་དེས་མིག་གིས་ཕྱི་རོལ་མངོན་སུམ་དུ་བྱས་ནས་དེ་ལ་བརྟེན་ཏེ། གཞན་དག་ལ་ཐ་སྙད་དུ་བརྗོད་པ་གང་ཡིན་པ་དེ་ནི་མཐོང་བའི་ཐ་སྙད་ཅེས་བྱའོ། ། ཐོས་པའི་ཐ་སྙད་ནི། གང་གཞན་ལས་ཐོས་ནས་དེ་ལ་བརྟེན་ཏེ། གཞན་དག་ལ་ཐ་སྙད་དུ་བརྗོད་པ་གང་ཡིན་པའོ། །བྱེ་བྲག་ཕྱེད་པའི་ཐ་སྙད་ནི། གང་དེས་མ་མཐོང་མ་ཐོས་པར་བདག་ཉིད་ཀྱིས་བསམས་ཤིང་བཙལ་ལ་ཉེ་བར་བརྟགས་ནས། དེ་ལ་བརྟེན་ཏེ་གཞན་དག་ལ་ཐ་སྙད་དུ་བརྗོད་པ་གང་ཡིན་པའོ། ། རྣམ་པར་ཤེས་པའི་ཐ་སྙད་ནི། གང་དེས་ནང་སོ་སོར་རང་གིས་རིག་པ་དང༌། རྟོགས་པ་དང༌། རེག་པ་དང༌། མངོན་སུམ་དུ་བྱས་ནས་དེ་ལ་བརྟེན་ཏེ། གཞན་དག་ལ་ཐ་སྙད་དུ་བརྗོད་པ་གང་ཡིན་པའོ།
Domain	ཆོས་ལུགས།

{{#arraymap:ཐ་སྙད་བཞི་

|; |@@@ | | }}

ཐ་སྙད་བཞི་ (2)

Part of speech

མིང་ཚིག

Definition

སྔགས། མ་ཧཱ་ཡོ་ག དཔལ་གསང་བ་སྙིང་པོ་ལས། ཕྱོགས་བཅུ་སྟོངས་ཁམས་ཡེ་ནས་དབེན། །སྲིད་པ་གསུམ་ཉིད་དག་པའི་ཞིང་། །སྙིགས་མ་ལྔ་ཉིད་བདེ་ལྡན་གནས། །ཕུང་པོ་ལྔ་ཉིད་རྫོགས་སངས་རྒྱས། །ཐམས་ཅད་མཆོག་གི་སྙིང་པོ་ལས། །གཞན་དུ་རྒྱལ་བས་ཆོས་མི་བཙལ། །ཉིད་ལས་གཞན་ཞེས་བྱ་བའི་ཆོས། །བཙལ་ཀྱང་རྒྱལ་བས་མི་བརྙེས་སོ། །ཞེས་པའི་སྐབས་ནས་བསྟན་པའི་ཕྱོགས་བཅུ་སྟོང་ཁམས་དང་། སྲིད་པ་གསུམ་དང་། སྙིགས་མ་ལྔ་དང་། ཕུང་པོ་ལྔ་བཅས་སུ་སྣང་བའི་ཐ་སྙད་བཞི་སྟེ། དཔལ་གསང་བ་སྙིང་པོའི་རྒྱུད་དོན་གསལ་བྱེད་མེ་ལོང་ལས། ཕྱོགས་བཅུ་སྟོང་ཁམས། སྲིད་པ་གསུམ། སྙིགས་མ་ལྔ། ཕུང་པོ་ལྔར་སྣང་བ་སྟེ། ཐ་སྙད་བཞིས་བསྡུས་པ་ཐམས་ཅད་ཡོན་ཏན་ནམ་འབྲས་བུའི་མཆོག་གི་བསྒྲུབ་བྱའི་སྙིང་པོ་ཡིན་པས། དེ་ལས་གཞན་དུ་རྒྱལ་བའི་ཆོས་ཤིག་མི་བཙལ་ཏེ། ཐ་སྙད་བཞིའི་རང་བཞིན་ཉིད་ཡེ་ནས་ཆོས་སྐུ་ཡིན་པ་ལས་དེ་ལས་གཞན་པའི་འབྲས་བུ་ཆོས་སྐུ་ཞེས་བྱ་བ་མྱ་ངན་ལས་འདས་པའི་ཆོས་ཤིག་བཙལ་ཀྱང་གུད་ན་རྒྱུད་དག་པའི་སངས་རྒྱས་རྒྱལ་བ་ཉིད་ཀྱིས་ཀྱང་མི་བརྙེས་སོ། །ཞེས་གསུངས།

{{#arraymap:ཐ་སྙད་བཞི་

|; |@@@ | | }}