21327
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | ལོ་ཙཱ་རིན་ཆེན་བཟང་པོའི་རྣམ་འཕྲུལ་ཐང་བོ་ཆེ་ཀུན་དགའ་འབུམ་ཕྱི་ལོ་ ༡༣༣༡ ལྕགས་མོ་ལུག་ལོར་ཡུལ་གླིང་སྟོད་དུ་སྐུ་འཁྲུངས། དགུང་ལོ་བཅུ་གཉིས་སུ་ཕར་ཚད་མངོན་འདུལ་སོགས་ཀྱི་དོན་ཐུགས་སུ་ཆུད་དེ་རྩོད་རྒྱལ་དུ་གྲགས་ཤིང་། རྗེས་ནས་དབང་ཁྲིད་གཞུང་འགྲེལ་སོགས་མང་དུ་གསན་པས་དཀའ་བཅུ་ཚད་ལྡན་དུ་གྲགས། དེ་ཚེ་བསྟན་པ་སྤྱི་འགྲེལ་གསོལ་འདེབས་ཀྱི་ཡི་གེ་གཟིགས་པས་ཀུན་མཁྱེན་ཆེན་པོ་ལ་མོས་གུས་སྐྱེས་ནས། ཇོ་ནང་དུ་ཆོས་རྗེའི་དྲུང་ནས་དབང་བཀའ་ཟབ་ཁྲིད་མང་པོ་ཞུས་ནས་ཉམས་མྱོང་ཁྱད་པར་ཅན་བྱུང༌། མདོ་སྔགས་ཀྱི་གཞུང་ལུགས་མང་པོ་གསན། དགུང་ལོ་ཞེ་བརྒྱད་དུ་རྟ་ནག་ཏུ་སློབ་དཔོན་རིན་ཆེན་བཟང་པོའི་རྒྱལ་ཚབ་ལ་བཞུགས། ལོ་དྲུག་གི་རིང་རྒྱུད་འགྲེལ་སོགས་ཟབ་ཆོས་རྒྱ་ཆེར་གསུངས་པས་དེར་སློབ་མ་མང་པོ་བྱུང༌། ལོ་ང་བདུན་སྟེང་ཡར་ལུང་དུ་གདན་དྲངས་ནས་སློབ་དཔོན་ཡེ་དཔལ་གྱིས་དགོན་པ་གཏད། དེར་རྟེན་གསུམ་བཞེངས། རྒྱུད་འགྲེལ་གྱི་འཆད་ཉན་མཛད། རྡོར་ཕྲེང་གི་ཐིག་རྩ་སོགས་གསུང་ཆོས་མཛད་ནས་ཡོད། དགུང་ལོ་དོན་གཉིས་ཕྱི་ལོ་ ༡༤༠༢ ཆུ་རྟའི་ལོ་ལྔ་པའི་ཚེས་བརྒྱད་ལ་ཡ་མཚན་དང་བཅས་སྐུ་མྱ་ངན་ལས་འདས་སོ། ། |
{{#arraymap:ཐང་བོ་ཆེ་ཀུན་དགའ་འབུམ་
|; |@@@ | | }}