21628

ཐམས་ཅད་མཁྱེན་པ་ཉིད་ཀྱི་རྣམ་པའི་གཟུངས་ཀྱི་སྒོ་ལ་འཇུག་པའི་གཟུངས་ཐོབ་པའི་ཆོས་ལྔ་ (1)

Part of speech	མིང་ཚིག
Definition	འཕགས་པ་སྙིང་རྗེ་པདྨ་དཀར་པོའི་མདོ་ལས་བྱུང་བ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་དག་ཀྱང་ཚུལ་ཁྲིམས་དང་ལྡན་པར་གནས་པ་དང༌། སོ་སོ་ཐར་བའི་སྡོམ་པས་བསྡམས་པ་དང༌། ཆོ་ག་དང་སྤྱོད་ཡུལ་ཕུན་སུམ་ཚོགས་པ་དང༌། ཁ་ན་མ་ཐོ་བ་ཕྲ་རབ་ཙམ་དག་ལའང་འཇིགས་པར་ལྟ་བ་དང༌། བསླབ་པའི་གཞི་རྣམས་ཡང་དག་པར་བླངས་ཤིང་སློབ་པར་བྱེད་ལ། གཞན་ཚུལ་ཁྲིམས་དང་བྲལ་པ་དག་མཐོང་ནའང་ཚུལ་ཁྲིམས་ཕུན་སུམ་ཚོགས་པ་ཡང་དག་པར་འཛིན་དུ་འཇུག་ལ་འདུལ་ཞིང་འཛུད་ལ་རབ་ཏུ་འགོད་པར་བྱེད་པ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་དང་པོ་དེ་དག་ལྡན་པ། བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ལྟ་བ་ལ་ཞེན་པར་གྱུར་པ་རྣམས་ལོག་པར་ལྟ་བ་ལས་རྣམ་པར་བསླང་ཞིང༌། ཡང་དག་པའི་ལྟ་བ་ཡང་དག་པར་འཛིན་དུ་འཇུག་ལ་འདུལ་ཞིང་འཛུད་ལ་རབ་ཏུ་འགོད་པར་བྱེད་པ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གཉིས་པ་དེ་དང་ལྡན་པ། བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཆོ་ག་མ་ཡིན་པ་ལ་ཞེན་པར་གྱུར་པ་རྣམས་ཡང་དག་པའི་ཆོ་ག་ཡང་དག་པར་འཛིན་དུ་འཇུག་ལ། འདུལ་ཞིང་འཛུད་ལ་རབ་ཏུ་འགོད་པར་བྱེད་པ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གསུམ་པ་དེ་དང་ལྡན་པ། བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་བསམ་པ་ཉམས་པར་གྱུར་པ་རྣམས་བསམ་པ་ཕུན་སུམ་ཚོགས་པ་ཡང་དག་པར་འཛིན་དུ་འཇུག་ལ། འདུལ་ཞིང་འཛུད་ལ་རབ་ཏུ་འགོད་པར་བྱེད་པ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་པོ་དེ་དང་ལྡན་པ། བྱང་ཆུབ་སེམས་དཔའ་སེམས་དཔའ་ཆེན་པོས་སེམས་ཅན་ཉན་ཐོས་དང༌། རང་སངས་རྒྱས་ཀྱི་ཐེག་པ་ལ་ཡང་དག་པར་ཞུགས་པ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་འཇུག་ལ་འདུལ་ཞིང་འཛུད་ལ་རབ་ཏུ་འགོད་པར་བྱེད་པ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ལྔ་པོ་དེ་དག་དང་ལྡན་པའོ། །
Domain	ཆོས་ལུགས།

{{#arraymap:ཐམས་ཅད་མཁྱེན་པ་ཉིད་ཀྱི་རྣམ་པའི་གཟུངས་ཀྱི་སྒོ་ལ་འཇུག་པའི་གཟུངས་ཐོབ་པའི་ཆོས་ལྔ་

|; |@@@ | | }}