21784

ཐལ་འགྱུར་གྱི་ལན་ (1)

Part of speech	མིང་ཚིག
Definition	འཇམ་མགོན་ས་པཎ་གྱི་རིགས་གཏེར་རང་འགྲེལ་ལས། དེས་ན་མཁས་པའི་ཐལ་འགྱུར་ལན། །རྣམ་པར་ཐར་བའི་སྒོ་བཞིས་གདབ། །ཐལ་བའི་ལན་ནི། འགལ། མ་ངེས། མ་གྲུབ། འདོད་པ་གྲུབ་པ་སྟེ་སྒོ་བཞིའོ། །ལན་གྱིས་བཟློག་པར་མི་ནུས་ན། །དེ་ཡི་རྗེས་འབྲང་དམ་པའི་ལུགས། །ཐལ་འགྱུར་ཡང་དག་ལན་གྱིས་བཟློག་མ་ནུས་ན་ཁྲོ་བ་དང་ཁོན་དུ་འཛིན་པ་དང་། བདག་ལ་བསྟོད་ཅིང་གཞན་ལ་སྨོད་པ་དང་། གླུ་གར་དང་བཞད་གད་དག་གིས་རིགས་པ་བསུབ་པ་ནི་ཐབས་རྡུགས་པ་ཡིན་པས་བདེན་པའི་རྗེས་སུ་འབྲང་བ་དམ་པའི་རྣམ་ཐར་ཡིན་ནོ། །ཞེས་དང་། པཎ་ཆེན་ཤཱཀྱ་མཆོག་གི་སྡེ་བདུན་རོལ་མཚོ་ལས། མཁས་པས་ཐལ་འགྱུར་ལྟར་སྣང་གི་ལན་ནི། འགལ་བ་དང་། མ་ངེས་པ་དང་། མ་གྲུབ་པ་དང་། འདོད་པ་གྲུབ་པ་སྟེ་རྣམ་པར་ཐར་བའི་སྒོ་བཞིས་གདབ་དགོས་པ་ཡིན་ཏེ། ཐལ་འགྱུར་ལྟར་སྣང་ལ། འགལ་བའི་དང་། མ་ངེས་པའི་དང་། མ་གྲུབ་པའི་དང་། བསལ་བ་ཡེ་མེད་ཀྱི་ཐལ་འགྱུར་དང་བཞིར་ངེས་པའི་ཕྱིར། འོ་ན། འཁོར་གསུམ་ཚང་བའི་ཐལ་འགྱུར་ལ་ལན་ཇི་ལྟར་གདབ་ཅེ་ན། རྒོལ་བ་རང་གི་གྲུབ་མཐའ་ངན་པ་ལ། ཕྱིར་རྒོལ་བས་ལན་གྱིས་བཟློག་པར་མི་ནུས་པ་སྟེ་འཁོར་གསུམ་ཚང་བའི་ཐལ་འགྱུར་འཕངས་བྱུང་ན། དེའི་རྗེས་སུ་འབྲང་དགོས་པ་ཡིན་ཏེ། དེ་འདྲ་དེ་ནི་དམ་པ་རྣམས་རིགས་པ་སྨྲ་བའི་ཚུལ་ལུགས་ཡིན་པའི་ཕྱིར་རོ། །ཞེས་གསུངས་སོ། །
Domain	ཚད་མ།

{{#arraymap:ཐལ་འགྱུར་གྱི་ལན་

|; |@@@ | | }}