21788

ཐལ་འགྱུར་པའི་བཟློག་པ་དང་འབྲེལ་བའི་ཉེས་སྤང་ (1)

Part of speech	མིང་ཚིག
Definition	མདོ། དབུ་མ། སངས་རྒྱས་བསྐྱངས་ཀྱི་ངག་དེ་ཐལ་བའི་ངག་ཡིན་ཀྱང་བཟློག་པ་དང་འབྲེལ་བའི་ཉེས་པ་མེད་དེ། ཁྱབ་བསལ་ཚད་མས་གྲུབ་ཅིང་ཕྱོགས་ཆོས་ཁས་བླངས་ཀྱིས་གྲུབ་པའི་སྒྲུབ་བྱེད་འཕེན་པའི་ཐལ་འགྱུར་མི་བྱེད་པའི་ཕྱིར་ཏེ། དེའི་བྱེད་པ་དངོས་སུ་གཞན་ཕྱོགས་བཀག་ནས་ཤུགས་ལ་རང་རྒྱུད་བསྒྲུབ་པ་ཡིན་པ་ལས་སྐབས་འདི་རང་རྒྱུད་ཀྱི་དམ་བཅའ་མེད་པའི་ཕྱིར་རོ། །དེ་ལྟ་ནའང་ཕ་རོལ་པོའི་བློ་ངོར་བཟློག་པ་དང་འབྲེལ་བར་འགྱུར་རོ་སྙམ་ན་དེ་ནི་ཁོ་བོ་ཅག་འདོད་པ་ཡིན་ལ། རང་བཞིན་མེད་པར་སྨྲ་བ་ལ་དེ་ལྟར་མི་འགྱུར་ཏེ། སྒྲ་རྣམས་ནི་དབྱུག་པ་ཅན་དང་། ཞགས་པ་ཅན་གྱིས་སེམས་ཅན་འགའ་ཞིག་རང་དབང་མེད་པར་འཛིན་པ་ལྟར་སྨྲ་བ་པོ་རང་དབང་མེད་པར་བྱེད་པ་མ་ཡིན་གྱི་ནུས་པ་ཡོད་ན་བརྗོད་པར་འདོད་པའི་དོན་སྟོན་པ་ཙམ་ཞིག་ཡིན་པའི་ཕྱིར་རོ། །དེ་ལྟར་ཡང་སློབ་དཔོན་གྱིས་ནམ་མཁའི་མཚན་ཉིད་སྔ་རོལ་ན་སོགས་དང་། གཟུགས་ཀྱི་རྒྱུ་ནི་མ་གཏོགས་པར་སོགས་དང། མྱ་ངན་འདས་པ་དངོས་པོ་མིན་སོགས་པས་ཕལ་ཆེར་ཐལ་བ་བསྒྲུབ་པ་ཁོ་ནའི་སྒོ་ནས་གཞན་གྱི་ཕྱོགས་སེལ་བར་མཛད་དོ། །གལ་ཏེ་སློབ་དཔོན་གྱི་ངག་རྣམས་ནི་དོན་གྱི་ངག་ཆེན་པོ་ཅན་ཡིན་པའི་ཕྱིར་རང་རྒྱུད་ཀྱི་སྦྱོར་བ་དུ་མ་ཡོད་དོ་ཞེས་རྟོགས་ན་འོ་ན་སློབ་དཔོན་སངས་རྒྱས་བསྐྱངས་ཀྱི་ངག་ཀྱང་དེ་ལྟར་རྟོགས་རིགས་པས་གཏན་ཚིགས་དང་དཔེ་མ་བརྗོད་པའི་ཕྱིར་ཞེས་བརྗོད་པ་དང་འགལ་ལོ། །འོན་ཏེ་རང་རྒྱུད་ཀྱི་སྦྱོར་བའི་ངག་རྒྱས་པར་བརྗོད་པར་བྱེད་པ་ནི་འགྲེལ་བ་མཁན་པོ་རྣམས་ཀྱི་ལུགས་ཡིན་ནོ་ཞེ་ན་དེའང་མ་ཡིིན་ཏེ། རྩོད་པ་ཟློག་པའི་འགྲེལ་པ་མཛད་པ་ན་སློབ་དཔོན་གྱིས་ཀྱང་རང་རྒྱུད་ཀྱི་སྦྱོར་བའི་ངག་མ་གསུངས་པའི་ཕྱིར་རོ། །ཞེས་ཀུན་མཁྱེན་གོ་རམས་པའི་དབུ་མའི་སྤྱི་དོན་ལས་གསུངས་སོ། །
Domain	ཆོས་ལུགས།

{{#arraymap:ཐལ་འགྱུར་པའི་བཟློག་པ་དང་འབྲེལ་བའི་ཉེས་སྤང་

|; |@@@ | | }}