21789

ཐལ་འགྱུར་བ་ (1)

Part of speech	མིང་ཚིག
Definition	ནང་པ་སངས་རྒྱས་པའི་གྲུབ་མཐའ་སྨྲ་བ་བཞིའི་ཡ་གྱལ་དབུ་མ་པའི་གྲུབ་མཐའི་ནང་གསེས་ཤིག་སྟེ། འདི་ནི་སློབ་དཔོན་ཀླུ་སྒྲུབ་ཀྱིས་མཛད་པའི་དབུ་མའི་བསྟན་བཅོས་རྣམས་ཀྱི་དགོངས་འགྲེལ་རྩོམ་སྐབས། སློབ་དཔོན་གྱི་དགོངས་པ་མཐར་ཐུགས་གང་ཡིན་དང་དབུ་མའི་དགོངས་དོན་མཐར་ཐུག་བརྩད་དེ། དབུ་མ་པ་ནང་ཕན་ཚུན་གྲུབ་མཐའ་སོ་སོར་གྱེས་པ་ལས་བྱུང་བ་ཞིག་ཡིན་ཏེ། དང་པོ་སློབ་དཔོན་སངས་རྒྱས་བསྐྱངས་ཀྱིས་དབུ་མ་རྩ་བའི་འགྲེལ་བ་མཛད། དེ་ལ་ལེགས་ལྡན་འབྱེད་ཀྱིས་དགག་པ་མང་དུ་མཛད་ནས་དབུ་མ་རང་རྒྱུད་ཀྱི་སྲོལ་ཕྱེས། སློབ་དཔོན་ཟླ་བས་སངས་རྒྱས་བསྐྱངས་ཀྱི་ལུགས་བཟུང་ནས་ལེགས་ལྡན་གྱིས་བརྗོད་པའི་སྐྱོན་བསལ་ནས་དབུ་མའི་དགོངས་པ་མཐར་ཐུག་ཐལ་འགྱུར་གྱི་ཚུལ་དུ་བཀྲལ་བར་དབུ་མ་ཐལ་འགྱུར་བ་ཞེས་བརྗོད་ཅིང་། ཁོང་གིས་དབུ་མའི་ལྟ་བ་གཏན་ལ་འབེབས་ཚུལ་ནི་རྒོལ་བ་སྔ་ཕྱི་གཉིས་ཀྱི་བློ་ངོར་མཐུན་སྣང་དུ་གྲུབ་པའི་རྩོད་གཞི་ཆོས་ཅན་ལ་ལྟོས་མི་དགོས་པར་ཕ་རོལ་པོའི་ཁས་བླངས་ཙམ་ལ་འཁྲིལ་ནས་བསྒྲུབ་བྱ་རྟོགས་པའི་རྗེས་དཔག་སྐྱེ་ཐུབ་པ། དེ་ནི་རྒོལ་བ་སྔ་ཕྱི་གཉིས་ཀྱི་བློ་ངོར་མཐུན་སྣང་དུ་གྲུབ་པའི་རྩོད་གཞི་ཆོས་ཅན་ཟེར་བ་དེ་དགོས་པ་མེད། ཁོ་གཉིས་ཐུན་མོང་གི་རྩོད་གཞི་ཟེར་བ་དེ་ཡང་དགོས་པ་མེད་ཟེར། ཕ་རོལ་པོ་སྟེ་སྔ་རྒོལ་དེའི་ལྟ་ཚུལ་དེ་གཞིར་བཟུང་ནས་གཞན་གྲགས་ཀྱི་གཏན་ཚིགས་བཀོད་ཆོག་ཟེར། ཕན་ཚུན་གཉིས་རྩོད་པ་བྱེད་པའི་ཚེ་རང་རྒྱུད་ཀྱི་སྦྱོར་བ་དེ་དགོས་པ་མེད་པར་གཞན་གྲགས་ཀྱི་གཏན་ཚིགས་བཀོད་ན་འགྲིག་པར་འདོད་པས་རང་རྒྱུད་ཀྱི་གཏན་ཚིགས་ཟེར་བ་དེ་དགོས་པ་མེད་ཟེར། ཕ་རོལ་ངོས་ཀྱི་ཁོ་རང་གི་ཁས་ལེན་གྱི་ལྟ་ཚུལ་ཞིག་ཡོད་པ་དེ་གཞིར་བཟུང་ནས་ཁོ་ལ་གཞན་ལ་གྲགས་པའི་གཏན་ཚིགས་བཀོད་ཆོག་པར་འདོད་པས་ན་དབུ་མ་ཐལ་འགྱུར་པ་ཞེས་བཏགས། འདིའི་ལུགས་ཀྱི་ལྟ་གྲུབ་ནི། ཡིད་ཀྱི་མུན་སེལ་ལས། གཉིས་པ་ཐལ་འགྱུར་བ་ནི། བདེན་པ་གཉིས་ཀར་ཡང་། ཆོས་ཐམས་ཅད་རང་བཞིན་མེད་པས་སྤྲོས་པའི་མཐའ་ཐམས་ཅད་དང་བྲལ་བར་འདོད་དེ། འཇུག་པ་ལས། བདེན་པ་གཉིས་ཆར་དུ་ཡང་རང་བཞིན་མེད་པའི་ཕྱིར། །འདི་དག་རྟག་པ་མ་ཡིན་ཆད་མ་ཡིན། །ཞེས་པ་དང་། རྩ་བ་ཤེས་རབ་ལས། གང་གིས་རྟེན་ཅིང་འབྲེལ་བར་འབྱུང་། །འགག་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འགྲོ་བ་མེད་པ་འོང་མེད་པ། །ཐ་དད་དོན་མིན་དོན་གཅིག་མིན། །སྤྲོས་པ་ཉེར་ཞི་ཞི་བསྟན་པ། །རྫོགས་པའི་སངས་རྒྱས་སྨྲ་རྣམས་ཀྱི། །དམ་པ་དེ་ལ་ཕྱག་འཚལ་ལོ། །ཞེས་སོ། །དེ་བས་ཕྱི་ནང་སྣ་ཚོགས་ཀྱི་ཆོས་འདི་དག་སྣང་དུས་ཉིད་ནས་སྐྱེ་འགག་གནས་གསུམ་དང་བྲལ་བ་གང་དུའང་གྲུབ་པ་མེད་པས། གང་དུའང་སྣང་བར་འདོད་དེ། སྟོང་ཉིད་བདུན་ཅུ་པ་ལས། སྟོང་ལ་འདི་དག་ཀུན་འཐད་ཀྱི། །མི་སྟོང་པ་ལ་འཐད་མ་ཡིན། །ཞེས་པ་དང་། བྱང་ཆུབ་སེམས་འགྲེལ་ལས། བུ་རམ་རང་བཞིན་མངར་བ་དང་། །མེ་ཡི་རང་བཞིན་ཚ་བ་ལྟར། །དེ་བཞིན་ཆོས་རྣམས་ཐམས་ཅད་ཀྱི། །རང་བཞིན་སྟོང་པ་ཉིད་དུ་གནས། །ཀུན་རྫོབ་སྟོང་པ་ཉིད་དུ་བཤད། །སྟོང་ཉིད་ཁོ་ན་ཀུན་རྫོབ་སྟེ། །བྱས་པ་དང་ནི་མི་རྟག་བཞིན། །མེད་ན་མི་འབྱུང་ངེས་ཕྱིར་རོ། །ཞེས་སོ། །དེ་ཡང་སྐྱེ་འགག་ཏུ་སྣང་ཡང་སྐྱེ་འགག་ཏུ་མ་གྲུབ་པ་སྒྱུ་མའི་རང་བཞིན་ཇི་ལྟ་བར་ཆོས་ཐམས་ཅད་དེ་ལྟར་ཏེ། འཁོར་འདས་སུ་སྣང་ཡང་འཁོར་འདས་སུ་གྲུབ་པ་མེད་པར་འདོད་དེ། རྩ་ཤེས་ལས། རྨི་ལམ་ཇི་བཞིན་སྒྱུ་མ་བཞིན། །དྲི་ཟའི་གྲོང་ཁྱེར་ཇི་བཞིན་དུ། །དེ་བཞིན་སྐྱེ་དང་དེ་བཞིན་གནས། །དེ་བཞིན་དུ་ནི་འཇིག་པའང་གསུངས། །ཞེས་དང་། འཁོར་བ་དང་ནི་མྱ་ངན་འདས། །འདི་གཉིས་ཀྱི་ནི་ཁྱད་པར་ནི། །ཤིན་ཏུ་ཕྲ་བའང་ཡོད་མ་ཡིན། །ཞེས་སོ། །དེ་ལྟར་ན། ཆོས་ཐམས་ཅད་སྣང་བར་མཉམ། སྟོང་པར་མཉམ། ངོས་གཟུང་མེད་པར་མཉམ་པས། ཡང་དག་དང་ལོག་པའི་ཀུན་རྫོབ་ཀྱང་རང་བཞིན་འདྲ་བར་བཤད་དེ། འཇུག་པ་ལས། རྨི་ལམ་སད་པའི་གནས་སྐབས་དག ། དོན་བྱེད་པ་ལ་ཁྱད་མེད་དེ། །རྨི་ལམ་དག་ནི་རྨིས་པ་བཞིན། །དོན་བྱེད་མཚུངས་པར་རང་བཞིན་མེད། །ཅེས་སོ། །ཐ་སྙད་ཙམ་དུ་སྣང་བའི་ཆ་ནས་ཀུན་རྫོབ། རང་བཞིན་མེད་པའི་ཆ་ནས་དོན་དམ་པ་སྟེ། རྩ་ཤེས་ལས། ཀུན་རྫོབ་ལས་ནི་ལོགས་ཤིག་ཏུ། །དོན་དམ་ཉེ་བར་མི་དམིགས་སོ། །དོན་དམ་ལས་ཀྱང་ལོགས་ཤིག་ཏུ། །ཀུན་རྫོབ་ཉེ་བར་མི་དམིགས་སོ། །ཞེས་པ་དང་། སྔ་མ་ལས། དངོས་ཀུན་ཡང་དག་མཐོང་བ་རྫུན་པ་ཡིན། །དངོས་རྙེད་ངོ་བོ་གཉིས་ནི་འཛིན་པར་འགྱུར། །ཡང་དག་མཐོང་ཡུལ་གང་ཡིན་དོན་དམ་སྟེ། །མཐོང་བ་རྫུན་པ་ཀུན་རྫོབ་བདེན་པར་གསུངས། །ཞེས་སོ། །དེ་ཡང་གཉིས་ཀ་ལ་ངོ་བོ་མེད་པས། གཅིག་ཐ་དད་གང་དུའང་བཞག་ཏུ་མེད་དེ། སྨིག་སྒྱུ་ཆུར་མ་གྲུབ་པས་སྨིག་སྒྱུའི་ཆུའི་ཀུན་རྫོབ་དང་། དེའི་ངོ་བོ་དོན་དམ་ཞེས་གང་དུའང་བཞག་ཅིང་དབྱེར་མེད་པར་འདོད་དོ། །དེ་ལྟར་ཆོས་ཐམས་ཅད་སྣང་ལ་ངོས་བཟུང་མེད་པར་གཏན་ལ་ཕབ་ནས། ལམ་ཚོགས་གཉིས་སྒྱུ་མ་ལྟར་བསགས་པས། འབྲས་བུ་སྐུ་གཉིས་སྒྱུ་མ་ལྟ་བུས་དོན་གཉིས་ལྷུན་གྱིས་གྲུབ་པར་འདོད། ཅེས་གསུངས། འདི་ལ་གྲགས་སྡེ་སྤྱོད་པའི་དབུ་མ་པ་ཞེས་ཀྱང་གྲགས། བོད་འདིར་བསྟན་པ་སྔ་དར་ན་ཡང་དབུ་མ་ཐལ་འགྱུར་གྱི་གཞུང་བསྒྱུར་བ་ཡོད་ཀྱང་། གཙོ་ཆེར་པ་ཚབ་ཉི་མ་གྲགས་པས་དབུ་མ་རྩ་བའི་འགྲེལ་བ་ཚིག་གསལ་དང་འཇུག་པ་རྩ་འགྲེལ་བསྒྱུར་ཅིང་འཆད་ཉན་མཛད་པ་ལས་རྒྱ་ཆེར་དར་བ་ཞིག་ཡིན།
Domain	ཆོས་ལུགས།

{{#arraymap:ཐལ་འགྱུར་བ་

|; |@@@ | | }}