22016

ཐུགས་ཐུབ་ཕྱིས་གནོན་བྱེད་པའི་ལྟུང་བྱེད་ (1)

Part of speech	མིང་ཚིག
Definition	མདོ། འདུལ་བ། ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས། གླེང་གཞི་ནི་སྦོམ་དགའ་མོ་བསོད་སྙོམས་ཀྱི་ཕྱིར་ཁྱིམ་དུ་ཞུགས་ཏེ་བྲམ་ཟེའི་སྟན་ལ་འདུག་གོ ། བྲམ་ཟེ་དེ་འོངས་པ་ན། སྦོམ་དགའ་མོ་སྟན་དེའི་སྟེང་ན་འདུག་པ་མཐོང་ནས་སྨོད་པར་བྱེད་པ་ལས་སོ། །དགག་བྱ་ནི་མ་དད་པར་འགྱུར་བའོ། །དགེ་སློང་མས་ཁྱིམ་གཞན་དུ་བདག་པོས་མ་བསྒོ་བར་ཁྱིམ་པའི་སྟན་ལ་འདུག་པ་ལ་ལྟུང་བྱེད་དུ་འགྱུར་རོ། །སྟན་ནི་ནང་ཚངས་ཅན་དང་གླིངས་པ་ལ་སོགས་པ་ཡིན་གྱི། རྩྭ་དང་སོག་མ་ལ་སོགས་པ་འདུག་པའི་ཆེད་དུ་ཕྱི་རོལ་ཏུ་བཤམས་པ་དེ་དག་ལ་མ་བསྒོ་བར་འདུག་ཀྱང་ལྟུང་བ་མེད་དེ། ཐུགས་ཐུབ་མ་བྱས་པའི་ཕྱིར་རོ། །ནས། ཐུགས་ཐུབ་ཏུའོ་ཞེས་བྱ་བ་ནི་བཙན་ཐབས་སུའོ་ཞེས་ཊཱི་ཀ་ལས་སོ། །ཞེས་དང་། པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས། ཁྱིམ་གཞན་དུ་བདག་པོས་མ་བསྒོ་བར་དེར་སྟན་ལ་འདུག་པ་ནི། ཐུགས་ཐུབ་ཏུ་ཕྱིས་གནོན་བྱེད་པའི་ལྟུང་བྱེད་དོ། །ཞེས་གསུངས་སོ། །
Domain	ཆོས་ལུགས།

{{#arraymap:ཐུགས་ཐུབ་ཕྱིས་གནོན་བྱེད་པའི་ལྟུང་བྱེད་

|; |@@@ | | }}