22277

ཐུན་མོང་གི་འཕོ་བ་ལྔ་ (1)

Part of speech	མིང་ཚིག
Definition	སྔགས། བླ་མེད། དང་པོ་ཞི་བའི་བསམ་པས་འཕོ་བ་ནི། འཆི་བའི་དུས་ཀྱི་ཚེ་ཆགས་པ་དང་། ཞེ་སྡང་སྐྱེ་བའི་སེམས་ཡོད་སེམས་མེད་གང་ཡང་མིག་གི་མཐོང་ས་དང་། རྣ་ཉེ་ཚོར་སར་མེད་པ་གལ་ཆེ་སྟེ། ཆགས་སྡང་ཞི་བས་བསམ་པ་དེ་ཡི་ངང་ལ་ཤི་ན་ལྷ་ཉིད་དུ་སྐྱེ་བར་འགྱུར་རོ། །དྲི་མེད་འོད་ལས། འདིར་འཆི་བའི་དུས་སུ་དགེ་བའི་ལས་ཀྱི་དབང་གིས་ཞི་བའི་བསམ་པར་འགྱུར་ཏེ། སྙིང་སྟོབས་ཡོན་ཏན་གྱི་བདག་ཉིད་དོ། །བསམ་པ་དེ་ཉིད་སྐྱེས་བར་འགྱུར་ན་ཤི་བའི་མཐར་ལྷ་ཉིད་དུ་སྐྱེ་བར་འགྱུར་རོ། །གཉིས་པ་འདུ་ཤེས་བཅུ་ཡི་འཕོ་བ་ནི། འདུ་ཤེས་བཅུ་བསྟན་པའི་མདོ་ལས། བཅོམ་འདས་ཀྱིས་བཀའ་སྩལ་པ། དགེ་སློང་དག་འཆི་བའི་དུས་ཀྱི་ཚེ་དགེ་སློང་གི་འདུ་ཤེས་བཅུ་མངོན་དུ་བྱའོ། །བཅུ་གང་ཞེ་ན། ཚེ་འདི་ལ་མ་ཆགས་པའི་འདུ་ཤེས་དང་། སེམས་ཅན་ཐམས་ཅད་ལ་བྱམས་པའི་འདུ་ཤེས་དང་། འཁོན་དུ་འཛིན་པ་ཐམས་ཅད་དོར་བའི་འདུ་ཤེས་དང་། འཆབ་པའི་ཚུལ་ཁྲིམས་ཐམས་ཅད་བཤགས་པའི་འདུ་ཤེས་དང་། ཚུལ་ཁྲིམས་ཐམས་ཅད་ཡང་དག་པར་བླངས་བའི་འདུ་ཤེས་དང་། ཉེས་པ་བྱས་པ་ཆེན་པོ་དག་ལ་ཡང་པའི་འདུ་ཤེས་དང་། དགེ་བའི་རྩ་བའི་ཆུང་ངུ་དག་ལ་ཆེ་བའི་འདུ་ཤེས་དང་། འཇིག་རྟེན་ཕ་རོལ་དག་ལ་བྲོད་པའི་འདུ་ཤེས་དང་། འདུས་བྱས་ཐམས་ཅད་མི་རྟག་པའི་འདུ་ཤེས་དང་། ཆོས་ཐམས་ཅད་བདག་ཉིད་པའི་འདུ་ཤེས་དང་། མྱ་ངན་ལས་འདས་པ་ལ་ཞི་བའི་འདུ་ཤེས་མངོན་དུ་བྱེད་པའོ། །གསུམ་པ་ཟུང་འཇུག་ཡི་དམ་གྱི་འཕོ་བ་ནི། འཆི་བའི་དུས་ཀྱི་ཚེ་སེམས་ཡོད་སེམས་མེད་ཐམས་ཅད་ལ་ཆགས་སྡང་སྤངས་ནས་ཡི་དམ་གྱི་ལྷ་གང་ཡིན་སྐད་ཅིག་དྲན་རྫོགས་སུ་བྱ་སྟེ། གཞན་དུ་མ་ཡེངས་པར་ཡི་དམ་གྱི་ལྷ་དེ་ལ་མོས་གུས་དང་དམིགས་པ་རྩེ་གཅིག་ཏུ་གནས་པར་བྱའོ། །བཞི་པ་བྱིན་བརླབས་བླ་མའི་འཕོ་བ་ནི། འཆི་བའི་དུས་ཀྱི་ཚེ། སེམས་ཡོད་སེམས་མེད་ཐམས་ཅད་ལ་ཆགས་སྡང་སྤངས་ནས་སྔར་གྱི་ཐུན་མོང་དང་། ཐུན་མོང་མ་ཡིན་པའི་བླ་མའི་རྣལ་འབྱོར་གང་བདེ་བ་སྐད་ཅིག་དྲན་རྫོགས་སུ་བྱའོ། །བླ་མ་དེ་ཉིད་ལ་མོས་གུས་རྩེ་གཅིག་པའི་ངང་ལ་གནས་པར་བྱའོ། ནི་གུ་ཆོས་དྲུག་ལས། འབྲིང་དང་ཐ་མས་ཆགས་སྡང་སྤངས་བྱས་ནས། །གང་ཞིག་མོས་གུས་དམིགས་པ་རྩེ་གཅིག་གིས། །གྱེན་དུ་འཕང་ཞིང་རྒྱུན་པར་བྱ། །ཞེས་གསུངས་པའི་དོན་ཏོ། །ལྔ་པ་དཀོན་མཆོག་རྗེས་དྲན་གྱི་འཕོ་བ་ནི། འཆི་བའི་དུས་ཀྱི་ཚེ། ཚེ་འདིའི་ལུས་ལོངས་སྤྱོད་ལ་སོགས་པ་སེམས་ཡོད་སེམས་མེད་ཐམས་ཅད་ལ་ཆགས་པ་དང་སྡང་བ་སྤངས་ནས། དཀོན་མཆོག་ལ་བློ་ལིངས་ཀྱིས་གཏད་དོ། །དཀོན་མཆོག་དེ་ཉིད་ལ་མོས་གུས་རྩེ་གཅིག་པའི་ངང་ནས་བདེ་བ་ཅན་ལ་སོགས་པ་དག་པའི་ཞིང་ཁམས་གང་མོས་སུ་འདུན་པ་རྩེ་གཅིག་ཏུ་གནས་པར་བྱའོ། །
Domain	ཆོས་ལུགས།

{{#arraymap:ཐུན་མོང་གི་འཕོ་བ་ལྔ་

|; |@@@ | | }}