22330
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | མཐུན་ཕྱོགས་མི་མཐུན་ཕྱོགས་གཉིས་ཀ་ལ་རྟགས་མེད་ནས་མ་མཐོང་བ་དང༌། གཉིས་ཀ་ལ་ཡོད་ཀྱང་མ་མཐོང་བ་དང༌། མཐུན་ཕྱོགས་ལ་ཡོད་ཀྱང་མ་མཐོང་བ་དང༌། མི་མཐུན་ཕྱོགས་ལ་ཡོད་ཀྱང་མ་མཐོང་བ་སྟེ། དཔེར་བརྗོད་རིམ་བཞིན། སྒྲ་ཆོས་ཅན། མི་རྟག་སྟེ། མཉན་བྱ་ཡིན་པའི་ཕྱིར། ཞེས་པ་བུམ་པ་དང་ནམ་མཁའ་ལ་མཉན་བྱ་མེད་པ་ལྟ་བུ་དང༌། སྐྱེས་བུ་འདི་ཆོས་ཅན། ལྷ་ལས་ཚེ་འཕོས་ཏེ། མིག་དང་ལྡན་པའི་ཕྱིར། ཞེས་པ་ལྷ་ལས་འཕོས་མ་འཕོས་གཉིས་ཀར་མ་མཐོང་བ་ལྟ་བུ་དང༌། རིག་བྱེད་ཀྱི་སྒྲ་རྟག་པར་འདོད་པའི་ངོར། སྒྲ་ཆོས་ཅན། མི་རྟག་སྟེ། བྱས་པའི་ཕྱིར། དཔེ་རིག་བྱེད་ཀྱི་སྒྲ་བཞིན། ཞེས་པ་ལྟ་བུ་དང༌། ནམ་མཁའ་ཆོས་ཅན། རྟག་སྟེ། མ་བྱས་པའི་ཕྱིར། རིག་བྱེད་ཀྱི་སྒྲ་བཞིན་ཞེས་བཀོད་པ་ལྟ་བུའོ། ། |
| Domain | ཚད་མ། |
{{#arraymap:ཐུན་མོང་མིན་པའི་མ་ངེས་པའི་རྟགས་བཞི་
|; |@@@ | | }}