2243

ཀུན་ཤེས་པའི་དབང་པོ་ (1)

Part of speech	མིང་ཚིག
Definition	མདོ། སྒོམ་སྤང་སྤོང་བ་ལ་ལྷག་པར་དབང་བྱེད་པའི་མཁྱེན་པ་ཞིག་ལ་ཀུན་ཤེས་པའི་དབང་པོ་ཞེས་བརྗོད། མཚན་ཉིད་ནི། པཎ་ཆེན་ཕར་ཕྱིན་མཐའ་དཔྱོད་ལས། ཐེག་པ་རང་ལུགས་ཀྱི་སྒོམ་སྤང་སྤོང་བ་ལ་བདག་པོར་གྱུར་པའི་དད་སོགས་ཆོས་ལྔ་གང་རུང་གིས་བསྡུས་པའི་ཟག་མེད་ཀྱི་དབང་པོའི་ཡེ་ཤེས། ཀུན་ཤེས་པའི་དབང་པོའི་མཚན་ཉིད། ཅེས་གསུངས།
Domain	ཆོས་ལུགས།

ཀུན་ཤེས་པའི་དབང་པོ་ (2)

Part of speech

མིང་ཚིག

Definition

བདེན་བཞི་གང་རུང་གི་དོན་སྔར་མཐོང་བ་དེ་ཉིད་རྒྱུན་ལྡན་དུ་སྒོམ་པར་བྱེད་པའི་རྣམ་བྱང་གི་དབང་པོ་དེ་ཀུན་ཤེས་པའི་དབང་པོའི་མཚན་ཉིད། འདི་དང་ཟག་མེད་སྒོམ་ལམ་དུ་གྱུར་པའི་དབང་པོ་དོན་གཅིག དབྱེ་ན་དད་པའི་དབང་པོ་སོགས་ལྔ། ཡིད་ཀྱི་དབང་པོ། ཚོར་བ་བདེ་བ། ཡིད་བདེ། བཏང་སྙོམས་ཀྱི་དབང་པོ་དང་བཅས་པ་དགུ་ཡོད་པ་ཡིན་ཏེ། མཐོང་སྒོམ་མི་སློབ་ལམ་ལ་དགུ། །གསུམ་ཡིན་གསུམ་ནི་དྲི་མ་མེད། །ཅེས་གསུངས་པའི་ཕྱིར་རོ་ཞེས་པཎ་ཆེན་ངག་ཆོས་ཀྱི་ཆོས་མངོན་པ་མཛོད་ཀྱི་སྤྱི་དོན་ལས་སོ། །སྒྲ་དོན་ནི། ཟག་མེད་ཡིན་པའི་དབང་པོ་གང་ཞིག་སྒོམ་ལམ་ཡིན་པ་དེ་ནི། སྒོམ་སྤང་སྤོང་བ་ལ་ལྷག་པར་དབང་བྱེད་པའི་ཕྱིར་དང་། སྔར་མ་མཐོང་བའི་བདེན་པའི་དོན་ཀུན་ཤེས་པར་བྱ་བ་མེད་ཀྱང་སྒོམ་སྤང་གི་ཉོན་མོངས་སྤང་པའི་དོན་དུ་བདེན་པ་དེ་ཉིད་ཀུན་ཤེས་པར་བྱེད་པས་གང་ཟག་ཀུན་ཤེས་པ་དེའི་དབང་པོ་ཡིན་པས་སམ་ཀུན་ཤེས་པའང་ཡིན་ལ་དབང་པོའང་ཡིན་པས་ཀུན་ཤེས་པའི་དབང་པོ་ཞེས་བྱའོ། །ཞེས་མཆིམས་བློ་བཟང་གྲགས་ཀྱི་ཆོས་མངོན་པ་གསལ་བྱེད་ལེགས་པར་བཤད་པའི་རྒྱ་མཚོ་ལས་སོ། །