22445

ཐུར་སེལ་གྱི་རླུང་གི་འགྲོ་འོང་ (1)

Part of speech	མིང་ཚིག
Definition	སྔགས། རྣལ་འབྱོར་བླ་མེད་རྒྱུད། དུས་འཁོར་སྦྱོར་དྲུག ཇོ་ནང་། དཔལ་དུས་ཀྱི་འཁོར་ལོའི་སྦྱོར་བ་ཡན་ལག་དྲུག་གི་སྐབས་ཀྱི་ཐུར་སེལ་རླུང་གི་འགྲོ་འོང་ཏེ། ཇོ་ནང་ཏཱ་ར་ནཱ་ཐའི་དབང་མདོར་བསྟན་གྱི་འགྲེལ་པ་ཟབ་མོའི་དོན་མཐའ་དག་གསལ་བར་བྱེད་པའི་ཉི་མའི་ལས། ལྟེ་བའི་དཀྱིལ་འཁོར་དང་། གསང་གནས་དང་། ནོར་བུའི་ཆུ་སྐྱེས་ཀྱི་རྩ་འཁོར་ཏེ་གསུམ་ལ། ལུས་ངག་སེམས་ཀྱི་ཁམས་དང་རླུང་གི་རིམ་པས། ཐུར་སེལ་གྱི་རླུང་ཕྱིར་འབྱུང་བ་ནི་བསྡུད་པའི་རིམ་པ་དང་། ཐུར་སེལ་དེ་ནི་ནང་དུ་འཇུག་པ་ན། སེམས་ངག་ལུས་ཏེ་སྐྱེད་པའི་རང་བཞིན་ཅན་གྱིས་འབབ་པའོ། །དེ་ཡང་ལྟེ་བར་མུན་རྡུལ་སྙིང་སྟོབས་གསུམ་ཚོགས་པ་ལས་སྙིང་སྟོབས་གཙོ་བོ་དང་། གསང་བར་མུན་རྡུལ་གཉིས་ལས་རྡུལ་གཙོ་བོ་དང་། ནོར་བུར་མུན་པ་ཁོ་ན་ལྷག་པར་སྤྱོད་དོ། །སྙིང་སྟོབས་ལུས། རྡུལ་ངག མུན་པ་སེམས་ཀྱི་ཆོས་ཡིན་ཞིང་། ལུས་ངག་སེམས་གསུམ་གཅིག་ཏུ་འཚོགས་པ་ལས། ལུས་ངག་ལ་ཐིམ་པས་གཉིས་ཚོགས་ཙམ་དང་། ངག་སེམས་ལ་ཐིམ་པས་གཅིག་པུར་འགྱུར་ཞིང་། སེམས་ལས་ངག་སྐྱེས་པས་གཉིས་ཚོགས་དང་། ངག་ལས་ལུས་སྐྱེས་པས་གསུམ་ཚོགས་སུ་འགྱུར་བ་ནི། དཔེར་མཚོན་ན། འཆི་བའི་ཚེ་ལུས་ཕུང་ཁམས་རགས་པ་རླུང་ལ་ཐིམ། རླུང་ཡང་འཆི་སེམས་ལ་ཐིམ་པར་འགྱུར་ལ། ཡང་འཆི་སེམས་ལས་བར་སྲིད་རླུང་གི་རང་བཞིན་ཅན་དང་། དེ་ལས་རགས་ལུས་འགྲུབ་པར་འགྱུར་བ་བཞིན་ནོ། །ཞེས་འབྱུང་ངོ་། །
Domain	ཆོས་ལུགས།