22494

ཐེ་ཚོམ་ཡོངས་སུ་གཅོད་པའི་ལེའུ་ (1)

Part of speech

མིང་ཚིག

Definition

མདོ་དགོངས་པ་འདུས་པའི་ལེའུ་བདུན་ཅུ་དོན་གཉིས་པ་ཡིན། ལེའུ་འདི་རྒྱུད་དེའི་བཤད་རྒྱུད་དུ་གཏོགས་ཤིང་། ནང་དོན་ལ་བྱུང་ཚུལ་བཅུ་གཉིས་ཀྱི་མཐའ་མ་དགོངས་པ་རྣམ་པར་བགྲོ་བའི་བྱུང་ཚུལ་ལ་མཚན་དང་མདོ་གང་དུ་བསྡུས་པར་བགྲོ་བ་ལས། བསླབ་པའི་མཐའ་བཅུའི་བདུན་པ་ལྟ་བས་ཐག་བཅད་པ་ལ་དེ་ཁོ་ན་ཉིད་ལ་ཐམས་ཅད་འདུས་པར་ཐག་བཅད་པ་དང། དེ་ལྟར་གཅིག་ཆོད་དུ་རྟོགས་པའི་ཡོན་ཏན་དང། རིམ་གྱིས་པའི་སྐྱོན་དང། གཞི་ཇི་བཞིན་དུ་ཐག་ཆོད་པ་རང་གི་ངོ་བོ་བཅས་བསྟན། རྒྱུད་ཆེན་པོ་འདིའི་ལུགས་ལ་ཆོས་ཉིད་བརྒྱུད་ནས་སྟོན་པ་དང་ཅར་ཕོག་ཏུ་སྟོན་པ་ལ་དྲང་དོན་ངེས་དོན་དུ་བྱས་པ་ལ་ལེའུ་འདིས་ངེས་དོན་སྟོན་ཞེས་གཟི་ལྡན་འཆར་ཁའི་འོད་སྣང་དུ་གསལ། བཀའ་འགྱུར་རྙིང་རྒྱུད་ཀ་པར་བཞུགས།