22532

ཐེག་ཆེན་གྱི་བྱང་ཆུབ་བརྙེས་པའི་དུས་ (1)

Part of speech	མིང་ཚིག
Definition	མདོ། དབུ་མ། བྱང་ཆུབ་མཆོག་རབ་དམ་པར་ཞེས་པའི་དོན་འགྲེལ་པར། བཅོམ་ལྡན་འདས་སྤྲུལ་པའི་སྐུ་འབྱུང་བའི་རྒྱུ་གང་ཡིན་པ་དེ་མངོན་པར་རྫོགས་པར་བྱང་ཆུབ་པའི་དུས་ཅི་ཙམ་པ་དེའི་ཚད་བརྗོད་པར་བྱ་སྟེ། ཞེས་གསུངས་ལ། དེའི་དོན་ཡང་འདིར་འབྱུང་བའི་འབྲས་བུའི་རྣམ་གཞག་རྣམས་ནི་སངས་རྒྱས་སྤྱིའི་དབང་དུ་བྱས་པ་ཡིན་པས་དེ་རིང་སངས་རྒྱས་པ་ལྟ་བུ་གཅིག་ལ་ཡང་ཚང་དགོས་པ་དེ་ལྟར་ན་སངས་རྒྱས་དེའི་སྤྲུལ་སྐུ་འབྱུང་བའི་རྒྱུ་ཆོས་སྐུ་དེ་སངས་རྒྱས་རྣམས་ཀྱི་ཆོས་སྐུ་དང་དབྱེར་མེད་གཅིག་ཡིན་པས་དེའི་ཐོག་མའི་ཚད་བཟུང་བ་སྟེ། དེ་ལས་གཞན་དུ་དེ་རིང་སངས་རྒྱས་པའི་ཆོས་སྐུའི་ཐོག་མ་དེ་རིང་ཡིན་ན་དེ་ལྟ་བུའི་སངས་རྒྱས་འབྱུང་བར་མི་འགྱུར་ཏེ། དེ་ལ་འདི་ནས་བཤད་པའི་དུས་ཀྱི་ཁྱད་པར་མ་ཚང་བའི་ཕྱིར་ཞེས་པའི་དོན་དུ་འཆད་དགོས་སོ། །ཆོས་སྐུ་གཅིག་ཡིན་པ་ནི་མདོ་སྡེ་རྒྱན་སོགས་གཞུང་ལུགས་ཚད་ལྡན་དུ་མའི་དགོངས་པ་ཡིན་ཀྱང་འདིར་དེའི་དབང་དུ་བྱས་ནས་གསུངས་པ་མིན་ཏེ། དེ་ལྟར་ན་གློ་བུར་དྲི་བྲལ་འབའ་ཞིག་གི་དབང་དུ་བྱས་པར་ཐལ་བའི་ཕྱིར་རོ། །འོ་ན་ཅི་ཞེ་ན་རང་བཞིན་རྣམ་དག་གི་ཆོས་དབྱིངས་དེ་ད་ལྟ་གློ་བུར་གྱི་དྲི་མས་བསྒྲིབས་པས་སངས་རྒྱས་མངོན་དུ་མ་གྱུར་ཀྱང་ནམ་ཞིག་གློ་བུར་གྱི་དྲི་མ་ཟད་པའི་ཚེ་དེ་ཉིད་སངས་རྒྱས་དངོས་སུ་མཐོང་བས་དེའི་ཐོག་མ་མེད་ཅེས་པའི་དོན་ཏེ། གློ་བུར་གྱི་དྲི་མ་ཟད་པ་ཙམ་མ་གཏོགས་སངས་རྒྱས་གསར་དུ་ཐོབ་རྒྱུ་མེད་ཅེས་པ་ངེས་དོན་གྱི་བཀའ་དང་བསྟན་བཅོས་རྣམས་ལས་གསུངས་སོ། །དཔེར་ན་ཁྱིམ་གྱི་འོག་གི་གཏེར་དབུལ་པོའི་ལག་ཏུ་ཐོབ་པའི་ཚེ་སྒྲིབ་བྱེད་བསལ་ནས་གསར་དུ་མཐོང་པ་ཙམ་ཡིན་གྱི་དང་པོ་ནས་ཐོབ་ཐོབ་པ་ཡིན་པ་བཞིན་ཏེ། དཔེ་དགུ་ཆར་ལ་སྦྱར་བར་བྱའོ། །རང་བཞིན་རྣམ་དག་གདོད་མ་ནས་སངས་རྒྱས་ཡིན་པ་དང་། དེའི་ཐོག་མ་མེད་པ་གསང་བ་ཡིན་པ་ནི། སངས་རྒྱས་ཐོག་མ་ཐ་མ་མེད། །དང་པོའི་སངས་རྒྱས་རྒྱུ་མེད་པ། །ཞེས་དང་། སངས་རྒྱས་ཀུན་བས་སྔར་སངས་རྒྱས། །ཞེས་སོགས་ཀྱི་དོན་ཡིན་པས་འདི་ནི་དགེ་བའི་རྩ་བ་མ་བསགས་པ་རྣམས་ཀྱིས་ལྷག་པར་མོས་པར་བྱ་དཀའ་བའི་ཕྱིར་ན་བསྙད་པར་བྱ་བ་མ་ཡིན་ཞེས་གསུངས་སོ། །འགའ་ཞིག་ཏུ་དེ་ལ་ལྷག་པར་མོས་པར་བྱེད་པ་རྣམས་ལ་བསོད་ནམས་གཞལ་དུ་མེད་པ་བསགས་པར་བྱ་བའི་ཕྱིར་བཤད་དོ། །ཞེས་ཀུན་མཁྱེན་གོ་རམས་པའི་འཇུག་པའི་དཀའ་འགྲེལ་ལས་གསུངས་སོ། །
Domain	ཆོས་ལུགས།