22612

ཐེག་ཆེན་སོ་ཐར་གྱི་བསླབ་བྱ་ (1)

Part of speech	མིང་ཚིག
Definition	ས་པཎ་གྱི་སྡོམ་གསུམ་རབ་དབྱེ་ལས། བྱང་ཆུབ་སེམས་དཔའ་ཡི། །སོ་སོར་ཐར་པའི་བསླབ་བྱ་ཡི། །ཁྱད་པར་ཅུང་ཟད་བཤད་ཀྱིས་ཉོན། །འདི་ལ་སྡིག་ཏོ་མི་དགེའི་ཕྱོགས། །ཕལ་ཆེར་ཉན་ཐོས་ལུགས་བཞིན་བསྲུང། །འདོད་པས་དབེན་པའི་ལྟུང་བ་འགའ། །བྱང་ཆུབ་སེམས་དཔའི་ལུགས་བཞིན་བསྲུང། །འཇིག་རྟེན་མ་དད་གྱུར་པའི་ཆ། །གཉིས་ཀ་མཐུན་རྣམས་འབད་པས་བསྲུང། །འཇིག་རྟེན་འཇུག་པའི་རྒྱུ་འགྱུར་ན། །ཐེག་ཆེན་སོ་སོར་ཐར་ལ་གནང། །དཔེར་ན་ཉན་ཐོས་དགེ་སློང་ནི། །གསེར་དངུལ་ལེན་པ་ཐུབ་པས་བཀག ། བྱང་ཆུབ་སེམས་དཔའི་དགེ་སློང་ལ། །གཞན་དོན་འགྱུར་ན་ལྟུང་བ་མེད། །ཉན་ཐོས་སེམས་ཅན་དོན་ཡིན་ཡང། །འདོད་ཆེན་པོ་ལ་ལྟུང་བར་འབྱུང། །ཐེག་ཆེན་གཞན་གྱི་དོན་ཡིན་ན། །འདོད་ཆེན་ལྟུུང་བ་མེད་ཅེེས་གསུངས། །ཞེས་དང་། ཀུན་མཁྱེན་གོ་རམས་པའི་སྡོམ་གསུམ་རྣམ་བཤད་གསུང་རབ་དགོངས་གསལ་ལས། ཐེག་ཆེན་གྱི་སོ་ཐར་འདི་ལ། སྡིག་ཏོ་མི་དགེ་བའི་ཕྱོགས། རང་བཞིན་གྱིས་ཁ་ན་མ་ཐོ་འདི་ནི། ཉན་ཐོས་ཀྱི་ལུགས་བཞིན་དུ་བསྲུང་དགོས་ཏེ། ཉེས་སྤྱོད་སྤང་བའི་ཚུལ་ཁྲིམས་དང་དོན་གཅིག་གོ ། རང་འདོད་ཀྱིས་དབེན་པའི་ལྟུང་བ་འགའ་ཞིག་ནི། བྱང་ཆུབ་སེམས་དཔའི་ལུགས་བཞིན་དུ་བསྲུང་དགོས་ཏེ། གཞན་དོན་དུ་འགྱུར་ན་ལུས་ངག་གི་བཅས་པ་ཐམས་ཅད་གནང་བའི་ཕྱིར་རོ། །འཇིག་རྟེན་ལས་འདས་པའི་སྤྱོད་པ་ཐེག་པ་ཆེ་ཆུང་མཐུན་པ་ནི་འབད་པས་བསྲུངས་དགོས་སོ། །ཞེས་གསུངས།
Domain	ཆོས་ལུགས།