22621

ཐེག་ཆེན་སྒོམ་ལམ་རྗེས་ཐོབ་ (1)

Part of speech	མིང་ཚིག
Definition	མདོ། དབུ་མ། མཉམ་གཞག་དེས་དྲངས་པའི་རྗེས་ཐོབ་ཡེ་ཤེས་ཀྱི་ངོ་བོ་ནི། དམིགས་པ་རྟེན་འབྲེལ་སྣ་ཚོགས་སུ་སྣང་བ་ལ་དམིགས་ནས། རྣམ་པ་ནི་རང་བཞིན་མེད་པའི་འཛིན་སྟངས་ཅན་ནོ། །མ་རིག་པའི་བག་ཆགས་ཀྱི་དབང་གིས་གཟུང་འཛིན་གཉིས་སུ་སྣང་བ་དང་། འདིའི་དབང་དུ་བྱས་པའི་སྣང་བཅས་ལ་ཆ་ཤས་གཉིས་སུ་རྣམ་པར་ཕྱེ་དགོས་ཏེ། ཡང་དག་པ་མ་ཡིན་པའི་ཀུན་རྟོག་ལ་ཀུན་རྫོབ་ཀྱི་སྣང་བ་ཤར་བའི་ཆ་དང་། ཡེ་ཤེས་ཀྱིས་དེ་སྒྱུ་མ་ལྟ་བུར་རྟོགས་པའི་ཆའོ། །དང་པོ་རྣམ་ཤེས་ཡིན་ལ། ཕྱི་མ་ནི་ཡེ་ཤེས་སོ། །དང་པོ་ལམ་ལ་མི་འཇོག་སྟེ། ཡང་དག་པ་མ་ཡིན་པའི་ཀུན་ཏུ་རྟོག་པ་ཡིན་པའི་ཕྱིར། གཉིས་པ་ལམ་དུ་འཇོག་པ་ཡིན་ཏེ། རྗེས་ལ་མངོན་རྟོགས་ཡིན་པའི་ཕྱིར། འདི་ལ་འཕགས་སེང་ལྟར་ན་ཟག་བཅས་ཞེས་བྱ་སྟེ། ཡང་དག་པ་མ་ཡིན་པའི་ཀུན་ཏུ་རྟོག་པ་དང་བཅས་པའི་ཕྱིར། བཅས་པའི་དོན་ཡང་ཤེས་རྒྱུད་གཅིག་ལ་དུས་ཅིག་ཆར་དུ་འབྱུང་བ་ལ་བྱ་བ་ཡིན་ལ། དེའི་ཚེ་གཉིས་པོ་དམིགས་པ་མཚུངས་ཀྱང་རྣམ་པ་མི་མཚུངས་པའི་ཕྱིར་མཚུངས་པར་ལྡན་པ་ནི་མ་ཡིན་ནོ། །དག་པའི་སྣང་བ་དང་བཅས་པ་ནི། གང་དུ་སྣང་བའི་ཡུལ་དེ་ནི་ཟག་བཅས་མ་ཡིན་ཏེ། ལམ་གྱི་བདེན་པ་ཡིན་པའི་ཕྱིར། དཔེར་ན་བདེ་བ་ཅན་གྱི་ཞིང་ཁམས་བཞིན་ནོ། །སྣང་མཁན་ཤེས་པ་དེ་ཡང་སྤྱི་ལྡོག་ནས་ཡང་དག་པ་མ་ཡིན་པའི་ཀུན་རྟོག་མ་ཡིན་ཏེ། དེའི་སྤྱི་ལྡོག་ནས་ཡེ་ཤེས་སུ་བཞག་དགོས་པའི་ཕྱིར། དེ་ལྟ་ན་ཡང་ཡེ་ཤེས་དེ་ལ་རྒྱང་ཆད་དུ་སྣང་བའི་ཆ་གཅིག་དང་། དེ་སྒྱུ་མ་ལྟ་བུར་རྟོགས་པའི་ཆ་གཅིག་དང་གཉིས་ལས། དང་པོའི་ཆ་ནས་ལམ་དུ་མི་འཇོག་སྟེ། དེའི་ཆ་ནས་ཡང་དག་པ་མ་ཡིན་པའི་ཀུན་རྟོག་ཏུ་འཇོག་པའི་ཕྱིར། དེའི་ཤེས་བྱེད་ཤེས་པ་དེ་ལ་ཡུལ་དེ་རྒྱང་ཆད་ཀྱི་ཚུལ་དུ་སྣང་བ་དེ་ཡང་མ་རིག་པའི་བག་ཆགས་ཀྱིས་དེ་ལྟར་སྣང་བ་ཡིན་པའི་ཕྱིར་དང་། དེ་མ་ལུས་པར་སྤངས་པའི་སངས་རྒྱས་ལ་ནི་ཡུལ་དག་པ་དང་། མ་དག་པ་གང་ཡིན་ཀྱང་ཡེ་ཤེས་རང་ལས་རྒྱང་ཆད་དུ་སྣང་བ་མི་སྲིད་པའི་ཕྱིར་རོ། །ཞེས་པཎ་ཆེན་ཤཱཀྱ་མཆོག་ལྡན་གྱིས་དབུ་མ་རྣམ་ངེས་ལས་གསུངས་སོ། །
Domain	ཆོས་ལུགས།