22630

ཐེག་ཆེན་སྦྱོར་བ་སྤྱིའི་མཚོན་ཚུལ་ (1)

Part of speech	མིང་ཚིག
Definition	མདོ། ཕར་ཕྱིན། གཞིའི་དེ་ཁོ་ན་ཉིད་རྟོགས་པའི་ཤེས་པའི་རྣམ་པའི་བྱེ་བྲག་གི་ཤེས་མཚན་དང་། གདུལ་བྱ་ལ་ཕན་བདེ་སྐྱབས་སོགས་ཀྱི་མཛད་པ་ཉེ་བར་སྒྲུབ་པར་བྱེད་པའི་བྱེད་པའི་མཚན་ཉིད་ཀྱིས་ནི། ཟབ་པའི་སྦྱོར་བ་ཐམས་ཅད་ཤེས་པ་ཉིད་ཀྱིས་སྦྱོར་བར་མཚོན་པར་བྱེད་དོ། །ལམ་གྱི་དེ་ཁོ་ན་ཉིད་རྟོགས་པའི་ཤེས་རྣམ་གྱི་བྱེ་བྲག་གིས་ཤེས་མཚན་དང་། གདུལ་བྱ་ལ་སྐྱབས་སོགས་ཀྱི་ཕན་པ་ཉེ་བར་སྒྲུབ་པའི་བྱེད་མཚན་གྱིས་ནི། གཏིང་དཔག་དཀའ་བའི་སྦྱོར་བ་ལམ་ཤེས་པ་ཉིད་ཀྱི་སྦྱོར་བར་མཚོན་པར་བྱེད་དོ། །མཐོང་ཆོས་ལ་བདེར་གནས་སོགས་ཀྱི་རྣམ་པའི་དེ་ཁོ་ན་ཉིད་རྟོགས་པའི་ཤེས་མཚན་དང་། ཆོས་སྟོན་པའི་རྟེན་གྱི་མཛད་པ་སྒྲུབ་པའི་བྱེད་མཚན་གྱིས་ནི། ཚད་མེད་པའི་སྦྱོར་བ་རྣམ་མཁྱེན་གྱི་སྦྱོར་བར་མཚོན་པར་བྱེད་དོ། །ཤེས་པའི་རྣམ་པའི་བྱེ་བྲག་བཅུ་དྲུག་གིས་ཐམས་ཅད་ཤེས་པ་ཉིད་ཀྱི་སྦྱོར་བ་དག་མཚོན་པས་ན། ཞེས་སོགས་གསུངས་པས་སོ། །ཁྱད་མཚན་གྱིས་ནི། ཁྱད་དུ་འཕགས་པས་ཁྱད་པར་ལམ། ཞེས་པའི་ཚུལ་གྱིས་སྦྱོར་བ་ཁྱད་ཆོས་བཅུ་དྲུག་དང་ལྡན་པར་དངོས་སུ་བསྟན་པ་ན། ཐེག་དམན་ལས་ཁྱད་པར་འཕགས་པར་དོན་གྱིས་གོ་བར་བྱེད་པའི་ཚུལ་གྱིས་མཚོན་ནོ་ཞེས་ཀུན་མཁྱེན་རོང་སྟོན་གྱི་རྣམ་བཤད་ཚིག་དོན་རབ་གསལ་ལས་སོ། ། ཐེག་ཆེན་གྱི་སྦྱོར་བ་སྤྱིའི་མཚོན་ཚུལ་ནི། མཚོན་ཚུལ་མདོར་བསྡུ་ན། ངོ་བོ་ཉིད་མཚན་བཅུ་དྲུག་མཚན་གཞི། ཐེག་ཆེན་གྱི་སྦྱོར་བ་ཡིན་པར་མཚོན། ཐབས་ཤེས་ཟུང་དུ་འཇུག་པའི་སེམས་དཔའི་རྣལ་འབྱོར་ཡིན་པ། ཐེག་ཆེན་གྱི་སྦྱོར་བ་མཚན་གཞི། ཐེག་དམན་གྱི་སྦྱོར་བ་ལས་ཁྱད་པར་དུ་འཕགས་པའི་སྦྱོར་བ་ཡིན་པར་མཚོན། མཚན་ཉིད་ནི། བསམ་གྱིས་མི་ཁྱབ་པ་སོགས་ཆོས་ཀྱི་བདག་མེད་རྟོགས་པས་ཁྱད་པར་དུ་བྱས་པའི་སེམས་དཔའི་རྣལ་འབྱོར་ཡིན་པ། ཞེས་པ་ནི། སྤྱིའི་མཚོན་ཚུལ་ཡིན་ནོ་ཞེས་ཀུན་མཁྱེན་གོ་རམས་པའི་སྦས་དོན་ཟབ་མོ་གཏེར་གྱི་ཁ་འབྱེད་ལས་སོ། །
Domain	ཆོས་ལུགས།