22636

ཐེག་ཆེན་སྦྱོར་བའི་ཤེས་མཚན་ (1)

Part of speech	མིང་ཚིག
Definition	མདོ། ཕར་ཕྱིན། མཚན་ཉིད་ནི། ཐེག་ཆེན་སྦྱོར་བས་གཞི་ལམ་རྣམ་པ་གང་རུང་གི་གནས་ལུགས་རྟོགས་པའི་ཁྱད་པར། དབྱེ་ན་གཞི་ཤེས། ལམ་ཤེས། རྣམ་མཁྱེན་སྦྱོར་བའི་ཤེས་མཚན་དང་གསུམ་མོ། །ཞེས་ཀུན་མཁྱེན་གོ་རམས་པའི་སྦས་དོན་རབ་གསལ་ལས་སོ། །ཡུལ་གཞི་ལམ་རྣམ་གསུམ་རྟོགས་པའི་ལྡོག་པའི་དབྱེ་བས་གསུམ་ལས། དང་པོ་གཞི་ཤེས་ཀྱི་ཤེས་མཚན་ནི། གཞི་ཤེས་ཀྱི་སྦྱོར་བས་ཕུང་པོ་ལ་སོགས་པ་གཞིས་བསྡུས་པའི་ཆོས་རྣམས་ཤེས་པའི་རྣམ་པའི་བྱེ་བྲག་གོ ། ལམ་ཤེས་ཀྱི་ཤེས་མཚན་ནི། རྣམ་ཐར་སྒོ་གསུམ་ལ་སོགས་པ་ལམ་གྱི་དེ་ཁོ་ན་ཉིད་རྟོགས་པའི་ཤེས་པའི་རྣམ་པའི་བྱེ་བྲག་གོ ། རྣམ་མཁྱེན་གྱི་ཤེས་མཚན་ནི། སངས་རྒྱས་ཀྱི་ཐུགས་རྒྱུད་ཀྱི་མཐོང་ཆོས་ལ་བདེ་བར་གནས་པ་སོགས་འབྲས་བུའི་ཆོས་འབའ་ཞིག་ལ་དམིགས་པའི་ཤེས་པའི་རྣམ་པའི་བྱེ་བྲག་གོ ། ཞེས་ཀུན་མཁྱེན་རོང་སྟོན་གྱི་རྣམ་བཤད་ཚིག་དོན་རབ་གསལ་ལས་སོ། །ཐེག་ཆེན་སྦྱོར་བ་རང་གི་མཚན་གཞིའི་སྟེང་དུ་ཐུན་མོང་མིན་པར་མཚོན་བྱེད་གང་ཞིག། མདོ་ལས་ཤེས་པ་ཞེ་བརྒྱད་ཀྱིས་དངོས་སུ་མཚོན་ནས་བསྟན་པའི་སེམས་དཔའི་རྣལ་འབྱོར་དེ། ཐེག་ཆེན་སྦྱོར་བའི་ཤེས་མཚན་གྱི་མཚན་ཉིད། དེ་ལ་མིང་གི་སྒོ་ནས་དབྱེ་ན། གཞི་ཤེས་སྦྱོར་བའི། ལམ་ཤེས་སྦྱོར་བའི། རྣམ་མཁྱེན་སྦྱོར་བའི་ཤེས་མཚན་དང་གསུམ་མོ། །ཞེས་པཎ་ཆེན་ཤཱཀ་མཆོག་གི་རྒྱན་འགྲེལ་ལུང་དོན་རྒྱ་མཚོ་ལས་སོ། །
Domain	ཆོས་ལུགས།