22640

ཐེག་ཆེན་སྦྱོར་ལམ་ཆོས་མཆོག་རྩེ་སྦྱོར་ (1)

Part of speech	མིང་ཚིག
Definition	མདོ། ཕར་ཕྱིན། བསོད་ནམས་མང་པོས་མཚོན་ནས་བསྟན་པའི་ཐེག་ཆེན་གྱི་ངེས་འབྱེད་ཆ་མཐུན་བཞི་པར་དམིགས་པ། ཐེག་པ་ཆེན་པོའི་སྦྱོར་ལམ་ཆོས་མཆོག་རྩེ་སྦྱོར་གྱི་མཚན་ཉིད་ཡིན། སེམས་ཀུན་ཏུ་གནས་པའི་རྩེ་སྦྱོར་དང་སྦྱོར་ལམ་ཆོས་མཆོག་རྩེ་སྦྱོར་དོན་གཅིག་ཡིན། སེམས་ཀུན་ཏུ་གནས་པའི་རྩེ་སྦྱོར་ཡིན་ན། སེམས་ཀུན་ཏུ་གནས་པའི་མ་ཁྱབ་སྟེ། དེ་ཡིན་ན། སྟོང་ཉིད་ལ་མཉམ་པར་གཞག་པའི་བློ་ཡིན་པས་མ་ཁྱབ་པའི་ཕྱིར། དེས་ན་ཆོས་མཆོག་རྩེ་སྦྱོར་ལ་སེམས་ཀུན་ཏུ་གནས་པའི་རྩེ་སྦྱོར་ཞེས་བརྗོད་པའི་རྒྱུ་མཚན་ཡོད་དེ། ཐེག་ཆེན་གྱི་སྦྱོར་ལམ་ཆོས་མཆོག་གི་ཡེ་ཤེས་དེ་སྟོང་ཉིད་ལ་རྩེ་གཅིག་ཏུ་མཉམ་པར་གཞག་པའི་མཉམ་གཞག་དེ་ལས་མ་ལངས་པའི་ངང་ནས་ཐེག་ཆེན་གྱི་མཐོང་ལམ་དུ་འཕོ་བའི་རྒྱུ་མཚན་གྱིས་དེ་ལྟར་བརྗོད་པའི་ཕྱིར།
Domain	ཆོས་ལུགས།