22676

ཐེག་པ་ཆེ་ཆུང་གཉིས་ (1)

Part of speech	མིང་ཚིག
Definition	ཐེག་པ་ཆེ་ཆུང་གཉིས་འདུས་ཏེ། ཐེག་པ་ཆུང་ངུ་པ་ལ་ཡང་ཐེག་པའི་སྒོ་ནས་ཕྱེ་ན་གཉིས་ཏེ། ཉན་ཐོས་ཀྱི་ཐེག་པ་དང་རང་སངས་རྒྱས་ཀྱི་ཐེག་པའོ། །གྲུབ་མཐའི་སྒོ་ནས་ཕྱེ་ན་བཞིར་གསུངས་ཀྱང་། བྱེ་བྲག་ཏུ་སྨྲ་བ་དང་མདོ་སྡེ་པ་གཉིས་སུ་འདུས། ཐེག་པ་ཆེ་ཆུང་གཉིས་ཀྱི་ཁྱད་པར་ནི། ལྟ་བའི་དབང་དུ་བྱས་ན། གང་ཟག་གི་བདག་མེད་ཙམ་རྟོགས་ལ་ཆོས་ཀྱི་བདག་མ་རྟོགས་པ་དང་། སོ་སོར་ཐར་པ་བསྲུང་བ་ལ་སོགས་པའི་དགེ་བའི་རྩ་བ་ཐམས་ཅད་རང་ཞི་བ་མྱ་ངན་ལས་འདས་པ་ཐོབ་པར་བྱ་བའི་ཆེད་དུ་བསྔོ་བ་ནི་ཐེག་པ་ཆུང་ངུའོ། །ཐེག་པ་ཆེན་པོ་ནི་སྐྱབས་འགྲོ་ཁྱད་པར་ཅན་གྱི་ཐོག་དྲངས་ནས་སྨོན་འཇུག་བྱང་ཆུབ་མཆོག་ཏུ་སེམས་བསྐྱེད་དོ། །ལྟ་བ་ཆོས་ཀྱི་བདག་མེད་རྟོགས། དགེ་བ་གཞན་དོན་དུ་བྱེད་ཅིང་བསྔོ། ཐེག་པ་ཆེན་པོ་ལ་གཉིས། གྲུབ་མཐའ་བཞིའི་སྒོ་ནས་དབྱེ་ན་སེམས་ཙམ་དང་། དབུ་མ་གཉིས་སུ་མ་འདུས་པ་མེད་དེ་ལ་སེམས་ཙམ་ལ་རྣམ་བཅས་དང་། རྣམ་མེད་གཉིས་ཡོད། དབུ་མ་རབ་ཏུ་མི་གནས་པ་ལ་གཉིས། དགག་བྱ་རབ་ཏུ་མི་གནས་པ་དང་། བསྒྲུབ་བྱ་རབ་ཏུ་མི་གནས་པའོ། །དགག་བྱ་རབ་ཏུ་མི་གནས་པ་ཡང་བཞི་སྟེ། སྒྱུ་མ་རབ་ཏུ་མི་གནས་པ་དང་། བཏང་སྙོམས་རབ་ཏུ་མི་གནས་པ་དང་། ཆོས་ཉིད་རབ་ཏུ་མི་གནས་པ་དང་། རྒྱུན་ཆད་རབ་ཏུ་མི་གནས་པའོ། །བསྒྲུབ་བྱ་རབ་ཏུ་མི་གནས་པ་ནི། ཟུང་འཇུག་རབ་ཏུ་མི་གནས་པའོ། །ཐེག་པའི་སྒོ་ནས་དབྱེ་ན་ཕ་རོལ་ཏུ་ཕྱིན་པའི་ཐེག་པ་དང་། གསང་སྔགས་འབྲས་བུ་རྡོ་རྗེའི་ཐེག་པའོ། །དེ་གཉིས་ཀྱི་ཁྱད་པར་གང་གིས་ཕྱེ་ན། ཀྲི་ཡ་རིགས་སྔགས་གཅོད་པའི་རྒྱུད་ལས། དོན་གཅིག་ན་ཡང་མ་རྨོངས་དང་། །ཐབས་མང་བཀའ་བ་མེད་པ་དང་། །དབང་པོ་རྣོན་པོའི་དབང་བྱས་ན། །སྔགས་ཀྱི་བསྟན་ཆོས་ཁྱད་པར་འཕགས། །ཅེས་གསུངས་སོ། །
Domain	ཆོས་ལུགས།