22678

ཐེག་པ་ཆེ་ཆུང་གི་ལྟ་བ་ (1)

Part of speech	མིང་ཚིག
Definition	མདོ། དབུ་མ། ཀླུ་སྒྲུབ་ཀྱིས། མཚན་མ་མེད་པ་མ་རྟོགས་པར། །ཁྱེད་ཀྱིས་ཐར་བ་མེད་པར་གསུངས། །དེའི་ཕྱིར་ཁྱོད་ཀྱིས་ཐེག་ཆེན་ལས། །དེ་ནི་ཚང་བར་བསྟན་པ་ལགས། །ཞེས་པའི་དོན་ནི་སྤྱིར་མཚན་མེད་བཞི་པོ་གང་རུང་ཅིག་མ་རྟོགས་པར་ཐར་པ་ཐོབ་པ་མེད་དེ། ཉན་ཐོས་ཀྱི་བྱང་ཆུབ་ཐོབ་པ་ལ་བདེན་པའི་མཚན་མ་མེད་པར་རྟོགས་དགོས། ཐེག་ཆེན་གྱི་བྱང་ཆུབ་ཐོབ་པ་ལ་མཚན་མེད་བཞི་ཆར་རྟོགས་དགོས་པའི་ཕྱིར་རོ། །དེས་ན་ཉན་ཐོས་ཀྱི་ཐེག་པར། གཟུགས་ནི་དབུ་བ་བརྡོས་པ་འདྲ། །ཞེས་སོགས་བདེན་པའི་མཚན་མེད་ཙམ་ལས་མ་བསྟན་ཞིང་ཐེག་པ་ཆེན་པོ་ལས་མཚན་མེད་བཞི་ཆར་ཚང་བར་བསྟན། དེ་དག་སྤྲོས་ལས་སྤྲོས་པ་ནི། །སྟོང་པ་ཉིད་ཀྱིས་འགག་པར་འགྱུར། །ཞེས་པའི་སྟོང་ཉིད་དང་། རྒྱལ་བ་རྣམས་ཀྱི་སྟོང་པ་ཉིད། །ཅེས་པའི་སྟོང་ཉིད་སོགས་ཕལ་ཆེར་མཐའ་བཞི་ཆར་གྱི་སྤྲོས་པས་སྟོང་པའི་སྟོང་ཉིད་ཡིན་ལ། ཉན་ཐོས་ཀྱིས་རྟོགས་པར་གསུངས་པའི་སྟོང་ཉིད་ནི་བདེན་པས་སྟོང་ཙམ་གྱི་སྟོང་ཉིད་ཡིན་པས་ཁྱད་པར་ཤིན་ཏུ་ཆེའོ། །དེས་ན་དབུ་མ་པ་རང་གི་ལུགས་ལ་ཐེག་པ་གསུམ་པོ་བདག་མེད་རྟོགས་པར་མཚུངས་ཀྱང། སྤྲོས་བྲལ་དང། ཚོགས་གཉིས་དང། ཆོས་ཉིད་དང། གནས་ལུགས་མཐར་ཐུག་རྟོགས་མ་རྟོགས་ཀྱི་ཁྱད་པར་ཡོད་པ་ནི། དབུ་མའི་གཞུང་ལུགས་ཀུན་ལས་གསལ་ཞིང། དོན་འདི་ལ་ཀླུ་སྒྲུབ་ཡབ་སྲས་དང། མགོན་པོ་བྱམས་པ་དགོངས་པ་གཅིག་ཁོ་ནར་སྣང་ངོ་། །དབུ་མ་པའི་ལུགས་ལ། བྱམས་པ་དང། ཀླུ་སྒྲུབ་གཉིས་ཆར་དགོངས་པ་མཐུན་པར་ཐེག་པ་གསུམ་ཆར་གྱི་བྱང་ཆུབ་ཐོབ་པ་ལ། ཕུང་པོ་བདེན་མེད་དུ་རྟོགས་དགོས་ཤིང། ཐེག་ཆེན་གྱི་བྱང་ཆུབ་ཐོབ་པ་ལ་མཐའ་བཞིའི་སྤྲོས་པ་དང་བྲལ་བའི་སྤྲོས་བྲལ་རྟོགས་དགོས་པས། ཐེག་པ་ཆེ་ཆུང་ལ་ལྟ་བའི་ཁྱད་པར་ཤིན་ཏུ་ཆེ་ཞིང། ཉན་ཐོས་ཀྱིས་གཟུང་བ་ཕྱི་རོལ་གྱི་དོན་བཏགས་པ་ཙམ་ཡང་མི་དམིགས་པར་མ་རྟོགས་ལ། རང་སངས་རྒྱས་ཀྱིས་དེ་རྟོགས་པས། དེ་གཉིས་ལ་ཡང་ལྟ་བའི་ཁྱད་པར་ཡོད་དོ། །ཞེས་ཀུན་མཁྱེན་གོ་རམས་པའི་ལྟ་བའི་ཤན་འབྱེད་ལས་སོ། །
Domain	ཆོས་ལུགས།