22916

ཐོ་ཡོན་འཇམ་དབྱངས་འཕྲིན་ལས་ (1)

Part of speech

མིང་ཚིག

Definition

དུས་རབས་བཅུ་དགུ་པའི་མགོར་འཁྲུངས། ཆུང་དུས་ནས་ཡི་གེའི་སྦྱོར་ཀློག་དང་། ཆོས་སྤྱོད་བཅས་ལེགས་པར་སྦྱངས། དགེ་བསྙེན་དང་། རབ་བྱུང་། དགེ་ཚུལ་བཅས་ཀྱི་སྡོམ་པ་མནོས། དབུས་སུ་ཕེབས། གཞུང་ཆེན་བཀའ་པོད་ལྔ་དང་། རྒྱུད་སྡེ་བཞི་ལ་དཔྱིས་ཕྱིན་པ་སྦྱངས། རབ་བྱུང་བཅོ་ལྔ་པའི་ལྕགས་ལུག་ཕྱི་ལོ་ ༡༨༧༡ ལོར་ཡེ་ཤེས་དོན་གྲུབ་ཀྱི་རྣམ་ཐར་བརྩམས། འདས་ལོ་མི་གསལ། གསུང་རྩོམ་ནི་དཀྱིལ་ཆོག་ནོར་བུའི་ཕྲེང་བའི་མཚམས་སྦྱོར་དང་། མཁས་གསུམ་རྣམ་རྒྱལ། སྤྱོད་རྒྱུད་ནས་གསུངས་པའི་ཀུན་རིག་རྩ་བའི་དཀྱིལ་འཁོར། འཕགས་ལུགས་གསང་འདུས་མི་བསྐྱོད་པ། རྒྱུད་སྡེ་ལྔ། ཁྱུང་ནག་མེའི་སྤུ་གྲི རྗེ་བཙུན་རེད་མདའ་བའི་གསུང་ངག་དྲིས་ལན། ལམ་རིམ་ཆེན་མོའི་ཟུར་རྒྱན་ལུང་མེད་བཤད་འབུམ། འཇམ་དབྱངས་ཀྱི་སྐྱེས་རབས་རྟོགས་བརྗོད་དཔག་བསམ་འཁྲི་ཤིང་བཅས་ཆོས་ཚན་སུམ་བརྒྱ་དྲུག་བཅུ་རེ་བདུན་ལོངས་པའི་པད་དགུ་བཞུགས།