23241
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | ཐོས་བྱུང་གི་ཤེས་རབ་ལ་སོགས་པ་ཉིད་གང་ཞེ་ན། བྱེ་བྲག་ཏུ་སྨྲ་བ་ནི་ཐོས་པ་ལས་བྱུང་བའི་བློ་སྟེ་ཤེས་རབ་དང་། སོགས་པས་བསྡུས་པ་བསམ་བྱུང་དང་། སྒོམ་བྱུང་གི་ཤེས་རབ་རྣམས་ནི་རིམ་པ་ལྟར་མིང་དང་། རེས་འགའ་ཡི་གེས་དོན་འདྲེན་ལ་རེས་འགའ་དོན་གྱིས་ཡི་གེ་འདྲེན་པས་མིང་དོན་གཉིས་ཀ་དང་། ཡི་གེ་ལ་མི་ལྟོས་པར་དོན་ལ་འཇུག་པས་དོན་ཁོ་ནའི་ཡུལ་ཅན་ཡིན་ཏེ། དཔེར་ན་རྐྱལ་ལེགས་པར་མ་ལོབས་པ་དང་། ཅུང་ཟད་ལོབས་པ་དང་། ལེགས་པར་ལོབས་པ་དག་ཤིང་ལེབ་ལ་སོགས་པའི་འཇུ་བྱ་ལ་ལྟོས་པ་དང་། རེས་འགའ་ལྟོས་རེས་འགའ་མི་ལྟོས་པ་དང་། ཡེ་མི་ལྟོས་པ་བཞིན་ནོ་ཞེས་འདོད་དོ། །སློབ་དཔོན་ནི་དེ་ལྟ་ན་མིང་ལ་དམིགས་པ་ཐོས་བྱུང་དང་དོན་ལ་དམིགས་པ་སྒོམ་བྱུང་ཡིན་པའི་ཕྱིར་གཉིས་པོ་ལས་བསམ་བྱུང་མི་འགྲུབ་པར་འགྱུར་བས་བདག་རྐྱེན་ཡིད་ཆེས་པའི་ལུང་དང་། རིགས་པས་དཔྱད་པ་དང་། ཏིང་ངེ་འཛིན་ལ་མཉམ་པར་བཞག་པ་ལས་དོན་རྟོགས་པ་ནི་རིམ་པ་ལྟར་ཤེས་རབ་གསུམ་ཡིན་ནོ་ཞེས་འཆད་དོ། །ཞེས་མཛོད་འགྲེལ་མངོན་པའི་རྒྱན་ལས་སོ། ། |
| Domain | ཆོས་ལུགས། |
{{#arraymap:ཐོས་བསམ་སྒོམ་གསུམ་གྱི་ཤེས་རབ་
|; |@@@ | | }}