23448

དཀའ་བཞི་རིགས་པའི་སེང་གེ་ (1)

Part of speech

མིང་ཚིག

Definition

རབ་བྱུང་ལྔ་པའི་མེ་ཕག་ཕྱི་ལོ་ ༡༢༨༧ ལོར་མི་ཉག་རབ་སྒང་གི་སྦས་ཡུལ་དོ་ནང་ཕུག་སྦས་རྨུག་ཆར་ཡབ་སྒང་རིང་དང་། ཡུམ་རྩོམ་ཟ་དགེ་སྨོན་གཉིས་ཀྱི་སྲས་སུ་འཁྲུངས། དབྱར་ཁར་སྦྲུལ་གྱིས་ཞབས་ལ་བཟུང་བས་ལོང་བུ་མན་ཆད་ནས་ཤིང་གི་རྐང་མཐིལ་བཏགས་སྟབས་ཕྱིས་སུ་སྟོན་པ་ཤིང་རྐང་ཅན་དུ་གྲགས། ཡི་གེའི་འབྲི་ཀློག་བསླབས། མཁས་པར་གྱུར། གསེར་འབུམ་ལ་སོགས་ཕྱག་བྲིས་མཛད། དབུས་གཙང་དུ་ཕེབས། སློབ་དཔོན་བྱང་དཔལ་གྱི་དྲུང་ནས་ཚད་མ་རྣམ་འགྲེལ་སྦྱངས། ས་སྐྱར་ཕེབས། སློབ་དཔོན་བྱམས་པ་མགོན་ལས་ཚད་མ་རིགས་གཏེར་སྦྱངས། དཀའ་བཞི་པའི་མཚན་བཏགས་བླངས། ཐར་ལོའི་དྲུང་ནས་སྦྱོར་དྲུག་དང་། འདུལ་བ། མངོན་པ་མཛོད་བཅས་གསན་ནས་བསྙེན་པར་རྫོགས། ཞེ་ལྔ་པར་རང་ཡུལ་དུ་ཕེབས། ཚད་མ་རིགས་གཏེར་དང་། རྣམ་འགྲེལ། བསྡུས་གྲྭ ཤེར་ཕྱིན། སྤྱོད་འཇུག་སོགས་འཆད་མཉན་གྱི་འགོ་བཙུགས། བསོད་སྙོམས་སྐབས་ལས་སློབ་ཁྲིད་མཛད། རབ་བྱུང་དྲུག་པའི་ཤིང་ཡོས་ཕྱི་ལོ་ ༡༣༧༥ ལོར་སྐུ་གཤེགས། བཀའ་པོད་ལྔ་ལ་མཁས་པའི་སློབ་མ་ལྔ་བཅུ་དང་། སྤྱོད་འཇུག་དང་འདུལ་བར་མཁས་པའི་བཙུན་མ་ཤིན་ཏུ་མང་། མི་ཉག་མཁས་དབང་མི་ལྔའི་ནང་གི་གཅིག་ཡིན།

{{#arraymap:དཀའ་བཞི་རིགས་པའི་སེང་གེ་

|; |@@@ | | }}