23525
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | མདོ། མངོན་པ། མདོ་ལས། ལས་དཀར་ནག་འདྲེན་མ་ལ་རྣམ་པར་སྨིན་པ་ཡང་དཀར་གནག་འདྲེན་མ་གསུངས་པ་དེ་གང་ཞེ་ན། འདོད་པར་གཏོགས་པའི་དགེ་བ་ཉིད་ནི་རིམ་པ་བཞིན་དུ་མི་དགེ་བ་དང་འདྲེས་པས་ལས་ཀྱང་དཀར་གནག་འདྲེན་མ་ལ་རྣམ་སྨིན་ཡང་ཡིད་དུ་འོང་མི་འོང་འདྲེན་མར་འབྱུང་བས་དཀར་གནག་གཉིས་ཀའི་ལས་ཞེས་བྱ་སྟེ། དེ་ཡང་རྒྱུད་ཀྱི་སྒོ་ནས་འདྲེས་པ་ཡིན་གྱི་ལས་ཀྱི་ངོ་བོ་གཅིག་ལ་དཀར་གནག་འདྲེས་པ་ནི་མེད་དེ་འགལ་བའི་ཕྱིར་རོ། །གལ་ཏེ་དེ་ལྟ་ན་མི་དགེ་བའང་འདྲེས་པར་འགྱུར་ཏེ་མི་དགེ་བ་དང་ལྡན་པའི་རྒྱུད་ལ་དགེ་བའང་འབྱུང་བའི་ཕྱིར་རོ། །ཞེ་ན། དེ་ལྟར་ཡིན་མོད་ཀྱི་འོན་ཀྱང་འདོད་པ་རང་ས་ན་གཉེན་པོ་ཏིང་ངེ་འཛིན་མེད་པས་དགེ་བས་མི་དགེ་བ་གཏན་མེད་པར་བྱ་བར་མི་ནུས་ལ། མི་དགེ་བ་ནི་སྟོབས་དང་ལྡན་པའི་ཕྱིར་ལོག་ལྟས་དགེ་རྩ་གཅོད་ནུས་པས་དགེ་བ་དང་གདོན་མི་ཟ་བར་འདྲེ་བ་མ་ཡིན་ནོ། །དེ་ཉིད་ཀྱི་ཕྱིར་འདོད་པའི་དགེ་བ་ནི་སྟོབས་ཆུང་བའི་ཕྱིར་འདྲེ་བར་འགྱུར་རོ་ཞེས་འགྲེལ་པ་ལས་བཤད་དོ། ། ཀུན་ལས་བཏུས་ལས་ནི། དཀར་ནག་ཏུ་གྱུར་ལ་རྣམ་པར་སྨིན་པ་དཀར་ནག་ཏུ་འགྱུར་བ་གང་ཞེ་ན། གང་འདོད་པ་དང་རབ་ཏུ་ལྡན་པའི་འདྲེན་མ་སྟེ། བསམ་པས་གནག་ལ་སྦྱོར་བས་དཀར་བའམ། སྦྱོར་བས་གནག་ལ་བསམ་པས་དཀར་བའོ་ཞེས་འདོད་པའི་བསམ་སྦྱོར་དཀར་ནག་འདྲེན་མ་ནི་དཀར་ནག་གཉིས་ཀའི་ལས་སུ་བཤད་དོ། །ཞེས་མཛོད་འགྲེལ་མངོན་པའི་རྒྱན་ལས་སོ། ། |
| Domain | ཆོས་ལུགས། |
{{#arraymap:དཀར་ནག་འདྲེན་མའི་ལས་
|; |@@@ | | }}