23751

དཀྱིལ་འཁོར་ (1)

Part of speech	མིང་ཚིག
Definition	མཎྜལ་ཞེས་པའི་སྒྲ་ལས་དྲངས་ན། དབྱིབས་ཟླུམ་པོའམ་སྒོར་མོ། མུ་ཁྱུད་ཅན། ཆ་ཤས་རྫོགས་པ་བཅས་ཀྱི་མིང་།

{{#arraymap:དཀྱིལ་འཁོར་

|; |@@@ | | }}

དཀྱིལ་འཁོར་ (2)

Part of speech	མིང་ཚིག
Definition	དཔལ་ཕྱག་རྒྱ་ཆེན་པོའི་ཐིག་ལེ་ཞེས་བྱ་བ་རྣལ་འབྱོར་མ་ཆེན་མོའི་རྒྱུད་ཀྱི་རྒྱལ་པོའི་མངའ་བདག་གི་སྡེ་ཚན་ཞིག བཀའ་འགྱུར་རྒྱུད་འབུམ་ང་པར་བཞུགས།

{{#arraymap:དཀྱིལ་འཁོར་

|; |@@@ | | }}

དཀྱིལ་འཁོར་ (3)

Part of speech	མིང་ཚིག
Definition	དཔུང་ཚོགས། ཚོགས་པ། འདུས་པ། སྡེ་བཅས་ཀྱི་མིང་། འདུལ་བ་ལུང་གཞི་ལས། ཤེས་ལྡན་དག་རྒོལ་བའི་དཀྱིལ་འཁོར་ཤོམས་ཤིག་ཅེས་པ་ལྟ་བུ།

{{#arraymap:དཀྱིལ་འཁོར་

|; |@@@ | | }}

དཀྱིལ་འཁོར་ (4)

Part of speech	མིང་ཚིག
Definition	ཁམས་དང་། འཛིན་པའམ་གཞི་རྟེན་བྱེད་པ། དཔེར་ན་སའི་དཀྱིལ་འཁོར། ཆུའི་དཀྱིལ་འཁོར། མེའི་དཀྱིལ་འཁོར། རླུང་གི་དཀྱིལ་འཁོར་ཞེས་པ་ལྟ་བུ།

{{#arraymap:དཀྱིལ་འཁོར་

|; |@@@ | | }}

དཀྱིལ་འཁོར་ (5)

Part of speech	མིང་ཚིག
Definition	ཤེས་བྱ། གཞལ་བྱ། བློའི་ཡུལ་བཅས་ལ་འཇུག་པར་བཤད། དཔེར་ན་ཤེས་བྱའི་དཀྱིལ་འཁོར་ཞེས་པ་ལྟ་བུ། འཆི་མེད་ཀྱི་འགྲེལ་པ་འདོད་འཇོ་བ་མོ་ལས་ཀྱང་། གང་གི་ཕྱིར་བཅོམ་ལྡན་འདས་དེའི་མཁྱེན་པ་དང་བརྩེ་བ་ཤེས་བྱའི་དཀྱིལ་འཁོར་མཐའ་དག་ལ་ཁྱབ་པས། ཞེས་གསུངས་པ་ལྟར་རོ། །
Example	ཉི་མའི་དཀྱིལ་འཁོར། ཟླ་བའི་དཀྱིལ་འཁོར། ཞལ་གྱི་དཀྱིལ་འཁོར་ཞེས་པ་ལྟ་བུ།

{{#arraymap:དཀྱིལ་འཁོར་

|; |@@@ | | }}

དཀྱིལ་འཁོར་ (6)

Part of speech	མིང་ཚིག
Definition	སྔགས། ཡི་དམ་ལྷའི་གཞལ་ཡས་ཁང་རྟེན་དང་བརྟེན་པ་བཅས་པ། འདི་ལ་མཚོན་བྱེད་དཔེའི་དཀྱིལ་འཁོར་ཟེར། སྒྲ་དོན་ནི་སྙིང་པོ་ལེན་པ་སྟེ། ཀྱེ་རྡོ་རྗེའི་རྩ་རྒྱུད་ལས། དཀྱིལ་ནི་སྙིང་པོ་ཞེས་བརྗོད་དེ། །བྱང་ཆུབ་སེམས་ནི་བདེ་ཆེན་པོ། །ལེན་པར་བྱེད་པས་དཀྱིལ་འཁོར་ཉིད། །འདུས་པ་དཀྱིལ་འཁོར་ཉིད་དུ་བརྗོད། །ཅེས་གསུངས། པ་ལྟར་དཀྱིལ་ནི་སྙིང་པོ། འཁོར་ནི་ལེན་ཅིང་འཛིན་པ་ཡིན་པས་དཀྱིལ་འཁོར་ཏེ། སྙིང་པོ་ནི་བདེ་སྟོང་གཉིས་སུ་མེད་པའི་ཡེ་ཤེས་ཡིན་ལ། དེ་ལེན་པས་ན། སྙིང་པོ་ལེན་པའོ། །སྤྱིར་དཀྱིལ་འཁོར་ལ་དབྱེ་ན། ༡ རྡུལ་མཚོན་གྱི་དཀྱིལ་འཁོར། ༢ རས་བྲིས་ཀྱི་དཀྱིལ་འཁོར། ༣ བསམ་གཏན་གྱི་དཀྱིལ་འཁོར། དེ་གསུམ་ལ་ཕྱིའི་དཀྱིལ་འཁོར་ཟེར། ཕྱི་དཀྱིལ་གསུམ་གྱི་ནང་ནས་རྡུལ་ཚོན་གྱི་དཀྱིལ་འཁོར་མཆོག་ཏུ་བསྔགས་པར་གསུངས་སོ། །༤ ལུས་དཀྱིལ། ༥ ཀུན་རྫོབ་བྱང་ཆུབ་ཀྱི་སེམས་ཀྱི་དཀྱིལ་འཁོར། ༦ དོན་དམ་བྱང་ཆུབ་ཀྱི་སེམས་ཀྱི་དཀྱིལ་འཁོར། ༧ བྷ་གའི་དཀྱིལ་འཁོར་དང་བདུན་ནོ། །ཕྱི་མ་གསུམ་ནི་རྫོགས་རིམ་གྱི་དབང་གསུམ་གང་དུ་ཐོབ་པའི་དཀྱིལ་འཁོར་ཡིན་པར། དབང་དོན་དེ་ཉིད་རབ་གསལ་ལས་གསུངས་སོ། །
Domain	ཆོས་ལུགས།

{{#arraymap:དཀྱིལ་འཁོར་

|; |@@@ | | }}

དཀྱིལ་འཁོར་ (7)

Part of speech

མིང་ཚིག

Definition

གསང་སྔགས་ནས་བཤད་པའི་ལྷ་གཙོ་འཁོར་ཡོད་པའམ། ཡང་ན་གཙོ་བོ་རྐྱང་པ་བཞུགས་པའི་གཞལ་ཡས་ཁང་རི་མོར་བྲིས་པའི་མིང་སྟེ། དེ་ཡང་རྒྱ་གར་གྱི་པཎྜི་ཏ་ཨ་བྷྱ་ཀ་རའི་བཞེད་སྲོལ་རྡོ་རྗེ་ཕྲེང་བ་ནས་བཤད་པའི་དཀྱིལ་འཁོར་བཞི་བཅུ་ཞེ་གཉིས། ཀྲི་ཡ་ནས་བཤད་པའི་དཀྱིལ་འཁོར་གསུམ། གྲུབ་ཆེན་མི་ཏྲ་ཛོ་ཀི་ནས་བརྒྱུད་པའི་མི་ཏྲའི་དཀྱིལ་འཁོར་བརྒྱ་དང་བརྒྱད། དཀྱིལ་ཆོག་ནོར་བུའི་ཕྲེང་བ་ནས་གསུངས་པའི་ཟུར་བཀའི་དཀྱིལ་འཁོར་མི་འདྲ་བ་དྲུག་ཅུ་རེ་དྲུག་སོགས་ཡོད། དེ་རྣམས་སོོ་སོའི་གྲངས་འདྲེན་ནི་རང་རང་གི་མིང་ཚིག་སོ་སོའི་ཐད་དུ་གཟིགས།

{{#arraymap:དཀྱིལ་འཁོར་

|; |@@@ | | }}

དཀྱིལ་འཁོར་ (8)

Part of speech

མིང་ཚིག

Definition

སྔགས། མ་ཧཱ་ཡོ་ག དཀྱིལ་འཁོར་ནི། རྒྱུད་ཀྱི་དངོས་པོའི་བྱེ་བྲག་ཅིག་སྟེ། འོད་གསལ་སྙིང་པོ་ལས། དེ་ཡང་མཎྜལ་ཞེས་པའི་སྒྲ་ལས་དྲངས་ན། མཎྜ་ནི་སྙིང་པོའམ་བཅུད་དང་། ལ་ནི་ལེན་ཅིང་འཛིན་པ་སྟེ། སྙིང་པོའི་ཡོན་ཏན་འཛིན་པའི་གཞིར་གྱུར་པའམ། རྣམ་པ་གཅིག་ཏུ་སྒྲ་འབྲེལ་མར་ཐད་ཀར་བསྒྱུར་ནས་ཀུན་ནས་ཟླུམ་ཞིང་ཡོངས་སུ་བསྐོར་བའི་དོན་དུ་འཇུག་པས་དཀྱིལ་འཁོར་ཞེས་བྱ་སྟེ། གང་གཙོ་བོ་ལ་འཁོར་གྱིས་བསྐོར་བའམ། ཆོས་ཀྱི་རྒྱལ་པོ་བཅོམ་ལྡན་འདས་འཁོར་ཕོ་བྲང་དང་བཅས་པ་ལ་འཇུག་པས་ན་སྐབས་འདིར་ཡོན་ཏན་མཆོག་གི་གཞི་འཛིན་པ་ཡོངས་སུ་དག་པའི་རྟེན་དང་བརྟེན་པའི་བདག་ཉིད་དུ་སྣང་བ་གང་ཡིན་པའོ། །ཞེས་གསུངས།

{{#arraymap:དཀྱིལ་འཁོར་

|; |@@@ | | }}