23819

དཀྱིལ་འཁོར་བཞི་བཅུ་རྩ་ལྔ་ (1)

Part of speech	མིང་ཚིག
Definition	སྔགས། མ་ཧཱ་ཡོ་ག རྙིང་མ། རིགས་ལྔའི་དཀྱིལ་འཁོར་བཞི་བཅུ་རྩ་ལྔ་པོ་སྟེ། ཕྱོགས་བཅུའི་མུན་སེལ་ལས། དཀྱིལ་འཁོར་བཞི་བཅུ་རྩ་ལྔ་རྫོགས་པར་བསྟན་པ་ནི་ཕྱོགས་བཅུ་དུས་བཞིར་སྔ་ཕྱི་ད་ལྟ་འགྲོ་བའི་དོན་ལ་གཤེགས་པའི་སངས་རྒྱས་ཐམས་ཅད་ཀྱི་གསང་བ་རང་བྱུང་གི་ཡེ་ཤེས་སེམས་དཔའི་སྐུའི་དཀྱིལ་འཁོར་ནི་སྐུའི་སྐུ། སྐུའི་གསུང་། སྐུའི་ཐུགས་རེ་རེ་ལའང་ཡོན་ཏན་འཕྲིན་ལས་གཉིས་བསྣན་ནས་ལྔ་ལྔར་ཕྱེ་བས་བཅོ་ལྔའོ། །དེ་བཞིན་དུ་གསུང་དང་ཐུགས་ལའང་བཅོ་ལྔ་བཅོ་ལྔ་སྟེ་རིགས་ལྔའི་དཀྱིལ་འཁོར་བཞི་བཅུ་རྩ་ལྔ་པོ་དེ་ཉིད་ཡི་གེའི་མགོ་ཨ་ནས་མཇུག་ཀྵའི་བར་ལ་རྫོགས་པས་རིགས་ཀྱི་དཀྱིལ་འཁོར་ཇི་སྙེད་པའི་དབྱེ་བ་ཡང་ཡི་གེ་འཁོར་ལོ་ཉིད་ལ་ཚང་ཞིང་འདུས་པས་དཀྱིལ་འཁོར་ཐམས་ཅད་ཀྱི་རྩ་བ་ཡིན་ནོ། །འདི་ལ་ཁ་ཅིག་ཡི་གེ་བཞི་བཅུ་རྩ་ལྔ་ཉིད་དུ་འཆད་པ་དེ་དག་གིས་ནི་ཡི་གེ་འཁོར་ལོ་ལ་དཀྱིལ་འཁོར་རིགས་འདུས་པར་བཤད་པའི་ཕྱོགས་ཙམ་ཡང་མ་མཐོང་བར་ཟད་དོ། །ཞེས་གསུངས།
Domain	ཆོས་ལུགས།