24060
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | མདོ། དབུ་མ། དགག་བྱ་རགས་པ་བཀག་པའི་དབུ་མ་ནི། རྡོ་རྗེའི་གཟེགས་མ་དང་། གཅིག་དུ་བྲལ་ལ་སོགས་པའི་གཏན་ཚིགས་རྣམས་ཀྱིས་སྣང་བ་བདེན་པར་གྲུབ་པ་བཀག་པས་རྟག་པའི་མཐའ་ལས་གྲོལ། མ་བརྟགས་མ་དཔྱད་པའི་བློ་ངོར་ཐ་སྙད་དུ་ལས་འབྲས་ལ་སོགས་པ་སྣང་བ་ཙམ་གྲུབ་པས་ཆད་པའི་མཐའ་ལས་གྲོལ་ཏེ། རིན་ཆེན་ཕྲེང་བ་ལས། མེད་པ་བ་ནི་ངན་འགྲོར་འགྲོ། །ཡོད་པ་བ་ནི་བདེ་འགྲོར་འགྲོ། །ཡང་དག་ཇི་བཞིན་ཡོངས་ཤེས་པས། །གཉིས་ལ་མི་བརྟེན་ཐར་པ་ལགས། །ཞེས་གསུངས་སོ། །ཕྲ་བ་བཀག་པའི་དབུ་མ་ནི། དེ་ལྟར་བདེན་པ་བཀག་ཟིན་ནས། བདེན་པར་མེད་པ་དང། གཉིས་ཀ་དང། གཉིས་ཀ་མ་ཡིན་པའི་མཐའ་ཕྱི་མ་གསུམ་དང། བདེན་པས་སྟོང་པའི་ཆོས་ཅན་གྱི་དངོས་པོ་བཏགས་ཡོད་ཙམ་ལའང་མངོན་པར་ཞེན་པ་བཀག་པས་ན། མཐའ་ཐམས་ཅད་དང་བྲལ་བས་ན་དབུ་མ་སྟེ། དབུ་མ་རྩ་བ་ལས། རྟག་དང་མི་རྟག་ལ་སོགས་བཞི། །ཞི་བ་འདི་ལ་ག་ལ་ཡོད། །ཅེས་སོགས་གསུངས་པས་སོ། །འདི་ལ་དགག་བྱ་ཕྲ་རགས་སུ་འཇོག་པ་ནི་སྔ་མ་དགག་སླ་ཞིང་མ་བཀག་ན་འཁོར་བའི་སྡུག་བསྔལ་གྱི་རྒྱུར་འགྱུར་བ་ཡིན་ལ། ཕྱི་མ་དགག་དཀའ་ཞིང་མ་བཀག་ན་ཐེག་པ་ཆེན་པོའི་བྱང་ཆུབ་ལ་གེགས་བྱེད་པ་ཡིན་གྱི་འཁོར་བའི་སྡུག་བསྔལ་སྤངས་པའི་མྱང་འདས་ཙམ་ལ་གེགས་མི་བྱེད་པའོ། །ཞེས་ཀུན་མཁྱེན་གོ་རམས་པས་དབུ་མ་སྤྱི་དོན་ལས་གསུངས་སོ། ། |
| Domain | ཆོས་ལུགས། |
{{#arraymap:དགག་བྱའི་སྒོ་ནས་དབྱེ་བའི་དབུ་མ་
|; |@@@ | | }}