24406

དགེ་བ་ཟག་བཅས་ཀྱི་འབྲས་བུ་གསུམ་ (1)

Part of speech	མིང་ཚིག
Definition	མདོ། མངོན་པ། རྣམ་སྨིན་གྱི་འབྲས་བུ། རྒྱུ་མཐུན་གྱི་འབྲས་བུ། བདག་པོའི་འབྲས་བུ་གསུམ་མོ། །དགེ་བ་ཟག་བཅས་རྣམས་ཀྱི་རྣམ་སྨིན་གྱི་འབྲས་བུ་ནི་མཐོ་རིས་སུ་སྐྱེས་ནས་བདེ་བ་མྱོང་བ་ཡིན་ཏེ། རིན་པོ་ཆེའི་ཕྲེང་བ་ལས་བཟློག་པས་ལྷ་དང་མི་ཉིད་དོ་ཞེས་བཤད་དོ། །བྱེད་པ་རྒྱུ་མཐུན་ནི་དགེ་བ་བྱེད་པ་ལ་གོམས་པར་འགྱུར་རོ། །མྱོང་བ་རྒྱུ་མཐུན་ནི་སྲོག་གཅོད་པ་སྤངས་པས་ཚེ་རིང་བ་ལ་སོགས་པ་ཡིན་ནོ། །བདག་པོའི་འབྲས་བུ་ནི་གཟི་མཐུ་ཆེ་བའི་ཡུལ་དུ་སྐྱེ་བ་ལ་སོགས་པར་འགྱུར་རོ། །རིན་པོ་ཆེའི་ཕྲེང་བ་ལས། མི་དགེ་ཞེས་བྱ་དེ་དག་གི །རྣམ་སྨིན་བསྒྲགས་པ་གང་ཡིན་པ། །དགེ་བ་དག་ནི་ཐམས་ཅད་ལ། །འབྲས་བུ་དེ་ནི་བཟློག་སྟེ་འབྱུང་། །ཞེས་བཤད་དོ། །ཞེས་མཛོད་འགྲེལ་མངོན་པའི་རྒྱན་ལས་སོ། །
Domain	ཆོས་ལུགས།