24466

དགེ་བའི་རྩ་བ་ཡོངས་སུ་བསྔོ་བ་བཅུ་ (1)

Part of speech	མིང་ཚིག
Definition	ཕལ་ཆེན་ལེའུ་ཞེ་གསུམ་དེ་བཞིན་གཤེགས་པ་སྐྱེ་བ་འབྱུང་བ་བསྟན་པ་ལས་བྱུང་བ་སྟེ། ༡ འདི་ལྟར་བདག་གི་དགེ་བའི་རྩ་བ་འདིས་དགེ་བའི་བཤེས་གཉེན་རྣམས་དང་སྨོན་ལམ་གཅིག་པ་ཕུན་སུམ་ཚོགས་པར་གྱུར་ཅིག ། ཕུན་སུམ་ཚོགས་པར་འགྱུར་རམ། འགྱུར་ཞེ་ན། རྣམ་པ་གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་གྱུར་ཅིག ༢ བདག་གི་དགེ་བའི་རྩ་བ་འདིས་དགེ་བའི་བཤེས་གཉེན་རྣམས་དང་བསམ་པ་གཅིག་པ་ཕུན་སུམ་ཚོགས་པར་གྱུར་ཅིག། ཕུན་སུམ་ཚོགས་པར་འགྱུར་རམ། འགྱུར་ཞེ་ན། རྣམ་པར་གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་གྱུར་ཅིག ༣ བདག་གི་དགེ་བའི་རྩ་བ་འདིས་དགེ་བའི་བཤེས་གཉེན་རྣམས་དང་སྤྱོད་པ་གཅིག་ཏུ་ཡོངས་སུ་རྫོགས་པ་ཕུན་སུམ་ཚོགས་པར་གྱུར་ཅིག ། ཕུན་སུམ་ཚོགས་པར་འགྱུར་རམ། འགྱུར་ཞེ་ན། རྣམ་པ་གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་འགྱུར་ཅིག ༤ བདག་གི་དགེ་བའི་རྩ་བ་འདིས་དགེ་བའི་བཤེས་གཉེན་རྣམས་དང་རྒྱུད་ཀྱི་ཚུལ་གཅིག་པ་ཕུན་སུམ་ཚོགས་པར་གྱུར་ཅིག ། ཕུན་སུམ་ཚོགས་པར་འགྱུར་རམ། འགྱུར་ཞེ་ན། རྣམ་པ་གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་གྱུར་ཅིག ༥ བདག་གིས་དགེ་བའི་རྩ་བ་འདིས་དགེ་བའི་བཤེས་གཉེན་རྣམས་དང་གཅིག་ཅིང་མཉམ་པ་ཕུན་སུམ་ཚོགས་པར་གྱུར་ཅིག ། ཕུན་སུམ་ཚོགས་པར་འགྱུར་རམ། འགྱུར་ཞེ་ན། རྣམ་པ་གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་གྱུར་ཅིག ༦ བདག་གི་དགེ་བའི་རྩ་བ་འདིས་དགེ་བའི་བཤེས་གཉེན་རྣམས་དང་ཡིད་ལ་བྱ་བ་གཅིག་པ་ཕུན་སུམ་ཚོགས་པར་གྱུར་ཅིག ། ཕུན་སུམ་ཚོགས་པར་འགྱུར་རམ། འགྱུར་ཞེ་ན། རྣམ་པ་གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་གྱུར་ཅིག ༧ བདག་གི་དགེ་བའི་རྩ་འདིས་དགེ་བའི་བཤེས་གཉེན་རྣམས་དང་ཡོངས་སུ་དག་པ་གཅིག་པ་ཕུན་སུམ་ཚོགས་པར་འགྱུར་ཅིག ། ཕུན་སུམ་ཚོགས་པར་འགྱུར་རམ། འགྱུར་ཞེ་ན། རྣམ་པ་གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་གྱུར་ཅིག ༨ བདག་གིས་དགེ་བའི་རྩ་བ་འདིས་དགེ་བའི་བཤེས་གཉེན་རྣམས་དང་གཅིག་ཏུ་རྣམ་པར་སྤྱོད་པ་ཕུན་སུམ་ཚོགས་པར་གྱུར་ཅིག ། ཕུན་སུམ་ཚོགས་པར་འགྱུར་རམ། འགྱུར་ཞེ་ན། རྣམ་པ་གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་གྱུར་ཅིག ༩ བདག་གི་དགེ་བའི་རྩ་བ་འདི་དགེ་བའི་བཤེས་གཉེན་རྣམས་དང་གཅིག་ཅིང་མཉམ་པར་འཇུག་པ་ཡོངས་སུ་རྫོགས་པ་ཕུན་སུམ་ཚོགས་པར་གྱུར་ཅིག ། ཕུན་སུམ་ཚོགས་པར་འགྱུར་རམ། འགྱུར་ཞེ་ན། རྣམ་པ་གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་གྱུར་ཅིག ༡༠ བདག་གི་དགེ་བའི་རྩ་བ་འདིས་དགེ་བའི་བཤེས་གཉེན་རྣམས་དང་ཐ་མི་དད་པ་ཕུན་སུམ་ཚོགས་པར་འགྱུར་ཅིག ། ཕུན་སུམ་ཚོགས་པར་འགྱུར་རམ། འགྱུར་ཞེ་ན། རྣམ་པ་གཞན་དུ་མ་འགྱུར་བར་དེ་ལྟར་ཕུན་སུམ་ཚོགས་པར་འགྱུར་ཅིག་ཅེས་བྱའོ། །བཅུ་པོ་དེ་དག་ནི། བྱང་ཆུབ་སེམས་དཔའ་རྣམས་ཀྱི་དགེ་བའི་རྩ་བ་ཡོངས་སུ་བསྔོ་བ་སྟེ། དེ་དག་ལ་གནས་ཤིང༌། བྱང་ཆུབ་སེམས་དཔའ་རྣམས་དགེ་བའི་རྩ་བ་ཡོངས་སུ་བསྔོ་བ་བླ་ན་མེད་པ་འཐོབ་པར་འགྱུར་བ་དག་གོ །
Domain	ཆོས་ལུགས།