24468

དགེ་བའི་རྩ་བ་རྒྱུན་གཅོད་པར་བྱེད་པའི་ཡིད་ཀྱི་ལས་ (1)

Part of speech	མིང་ཚིག
Definition	སྔགས། ཨ་ནུ་ཡོ་ག རྙིང་མ། མདོ་དགོངས་པ་འདུས་པར་སྣང་བའི་མདོ་ཡིད་ཀྱི་རྣམ་ཤེས་འཆད་སྐབས་ཡིད་ཤེས་ཐུན་མིན་གྱི་བྱེད་ལས་བཅོ་ལྔ་བསྟན་པའི་ནང་གསེས་ཤིག་སྟེ། འདིའི་དོན་གཟི་ལྡན་འཆར་ཁའི་འོད་སྣང་ལས། ཡང་དག་པའི་དོན་གྱི་དགེ་བའི་རྩ་བ་རྒྱུན་གཅོད་པར་བྱེད་པའི་ཡིད་ཀྱི་ལས་བསྟན་པ་ལའང་མཚན་མའི་དངོས་པོར་ཞེན་པའི་ཡུལ་གསལ་བ་དང༌། ཕྱིན་ཅི་ལོག་ཏུ་གྱུར་པའི་ལྟ་བ་སྟོབས་དང་ལྡན་པ་དང༌། འདོད་པའི་ཡོན་ཏན་ཆང་ལ་སོགས་པའི་ལོངས་སྤྱོད་དམན་པ་ལོག་ལྟ་དང་མཐུན་པའི་རྐྱེན་དང་ཕྲད་པའམ་རང་དང་མཚུངས་པའི་སྡིག་པའི་གྲོགས་པོ་རྙེད་པ་དང༌། འདོད་པ་དེ་དག་ལ་སྤྱོད་པའི་ཞེན་ཆགས་རྒྱུན་མི་འཆད་པར་དེ་དག་གི་རྗེས་སུ་སེམས་འགྲོ་ཞིང་རྟག་ཏུ་འབྲང་བར་བྱེད་པ་དང༌། དེ་ལྟ་བུའི་དོན་མེད་པའི་ལས་ངན་པ་རྒྱུན་དུ་བྱེད་པ་དེ་ཡི་རྒྱུན་གཅོད་ཅིང་སྤོང་སྟེ་དེ་ལས་སླར་ལྡོག་པར་མི་བྱེད་པ་དང༌། ལོག་པའི་ལྟ་སྤྱོད་དེ་ལ་རྒྱུན་དུ་གནས་ཏེ་བར་མ་ཆད་པར་བྱེད་པ་དང༌། དེའི་དབང་གིས་ཡང་དག་པར་སྤྱོད་པའི་དགེ་བའི་ལས་ཀྱི་དོན་དུ་འཇུག་པ་རྒྱུན་ཆད་པར་བྱས་པ་དང་བདུན་ཡང་ཡིད་ཀྱི་ལས་ཡིན་ནོ། །ཞེས་གསུངས།
Domain	ཆོས་ལུགས།