24479

དགེ་བའི་ས་མང་བ་ (1)

Part of speech	མིང་ཚིག
Definition	མདོ། མངོན་པ། ཀུན་མཁྱེན་གོ་རམས་པའི་ངོ་མཚར་སུམ་ལྡན་ལས། དགེ་བ་བཅུ་གཅིག་གི་གཏི་མུག་མེད་པ་མ་གཏོགས་གཞན་བཅུ་པོ་དགེ་བའི་ས་མང་པོ་བར་བཞག་སྟེ། ཚོགས་དྲུག་ཟག་བཅས། ཟག་མེད། ཁམས་གསུམ་གྱི་དགེ་བའི་སེམས་ཐམས་ཅད་ལ་འབྱུང་བས་སོ། །ཞེས་དང་། ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས། སེམས་དང་བ་ནི་དང་བ་སྟེ་དེ་དང་ལྡན་ན་ཉོན་མོངས་པ་དང་ཉེ་བའི་ཉོན་མོངས་པའི་རྙོག་པ་དྭངས་པར་འགྱུར་བ་ནོར་བུ་ཆུ་དྭངས་ལྟ་བུའོ། །བག་ཡོད་པ་དགེ་བའི་ཆོས་བསྒོམ་ཞིང་གཅེས་སྤྲས་སུ་བྱེད་པ་དང། ཤིན་ཏུ་སྦྱངས་པ་སེམས་ལས་སུ་རུང་བ་དང། བཏང་སྙོམས་སེམས་མཉམ་ཞིང་ལྷུན་གྱིས་གྲུབ་པ་དང། ངོ་ཚ་ཤེས་པ་དང་ཁྲེལ་ཡོད་པ་གཉིས། དགེ་བའི་རྩ་བ་མ་ཆགས་པ་དང་ཞེ་སྡང་མེད་པ་གཉིས་དང། གཏི་མུག་མེད་པ་ནི་ཤེས་རབ་ལ་བཏགས་པས་སྤྱིའི་ས་མང་བའོ། །རྣམ་པར་མི་འཚེ་བ་གཞན་ལ་ཐོ་མི་འཚམས་པ་དང། བརྩོན་འགྲུས་དགེ་བ་ལ་སྤྲོ་བ་སྟེ། བཅུ་ནི་རྟག་ཏུ་དགེ་སེམས་ལ་འབྱུང་བའི་ས་མང་བའོ། །ཞེས་གསུངས་སོ། །
Domain	ཆོས་ལུགས།