24542

དགེ་མི་དགེའི་ཐོབ་པ་དམིགས་བསལ་བ་ (1)

Part of speech	མིང་ཚིག
Definition	མདོ། མངོན་པ། བྱེ་བྲག་སྨྲ་བའི་ལུགས་ཀྱི་མི་ལྡན་པའི་འདུ་བྱེད་ཐོབ་པ། དེའི་ཁྱད་ཆོས་དུས་ཀྱི་ཁྱད་པར་དམིགས་ཀྱིས་བསལ་བ་གསུམ་གྱི་ཡ་གྱལ། ཐོབ་པ་དུས་གསུམ་པར་མ་ངེས་པའི་དགེ་མི་དགེའི་ཐོབ་པ་དམིགས་བསལ་བ་ནི། འདོད་པ་ན་སྤྱོད་པའི་དགེ་མི་དགེའི་རིག་བྱེད་དང་རིག་བྱེད་མ་ཡིན་པའི་གཟུགས་ཀྱི་ཐོབ་པ་ལྷན་ཅིག་དང་ཕྱིས་སྐྱེ་ཡོད་ཀྱི་ཆོས་ལས་སྔར་ནི་སྐྱེ་བ་མེད་དེ། བེམ་པོ་ཡིན་ཞིང་སེམས་ཀྱི་རྗེས་འབྲང་མ་ཡིན་པའི་ཕྱིར། འདི་དག་ཁོ་ནས་མ་རྫོགས་ཏེ། སྙོམས་འཇུག་གཉིས་དང་སྐྱེ་བའི་ཆོས་ཅན་གྱི་མཐོང་ལམ་དང་མངོན་ཤེས་དང་ཚད་མེད་ལྟ་བུ་མ་འདྲེས་པ་རྣམས་དང་ཡེ་ཤེས་བསྟན་པའི་ཤེས་པ་དང་ལྟ་བ་ལ་སོགས་པ་སྦྱོར་བས་ཐོབ་པ་ཕལ་ཆེ་བ་རྣམས་ལའང་སྔར་སྐྱེ་བ་མེད་དོ། །དེས་ན་འདི་སྐད་བསྟན་པ་ཡིན་ཏེ། སེམས་སེམས་བྱུང་ཉོན་མོངས་ཅན་རྣམས་དང་། དགེ་བ་རྣམས་དང་། གཟུགས་ན་ཡོད་པའི་དགེ་བ་གཟུགས་ཅན་རྣམས་དང་། མི་ལྡན་པའི་འདུ་བྱེད་དགེ་མི་དགེ་ཐམས་ཅད་ཀྱི་ཐོབ་པ་ནི་དུས་གསུམ་པ་ཅན་ཡིན་ནོ་ཞེས་བྱའོ། །
Domain	ཆོས་ལུགས།