24547

དགེ་ཚུལ་གྱི་ཆོ་ག་ (1)

Part of speech	མིང་ཚིག
Definition	མདོ། འདུལ་བ། བར་མ་རབ་བྱུང་གི་ཆོ་ག་སྔོན་དུ་འགྲོ་བ་བྱས་ནས་སྲོག་གཅོད་པ་སྤོང་བ་སོགས་ཡན་ལག་བཅུའི་སྡོམ་པ་འཛིན་པ་ནི། སློབ་དཔོན་ཆོ་ག་ལ་རྣམ་པར་མཁས་པས་སྦྱིན་པར་བྱའོ། །དགེ་ཚུལ་གྱི་སྡོམ་པ་ནི་གང་ཟག་ལས་ཀྱང་སྐྱེ་བས་ན་ཞུ་བའི་སྐབས་སུ་ཡང་གང་ཟག་ལ་ཞུ་བས་ཆོག་པར་མངོན་ནོ། །ཡན་ལག་བཅུ་ནི་སུམ་བརྒྱ་པ་ལས། གང་ཞིག་སྲོག་གཅོད་གཞན་གྱི་ནོར་འཕྲོག་དང་། །མི་ཚངས་སྤྱོད་བརྫུན་བཅོས་པའི་ཆང་ལ་སོགས། །གར་སོགས་ཕྲེང་སོགས་མལ་ཆེན་མཐོ་བ་དང་། །ཕྱི་དྲོས་ཁ་ཟས་གསེར་དངུལ་ལེན་པ་སྤོང་། །ཞེས་པ་དག་གོ ། བསྡུ་བར། ཅིའི་ཕྱིར་བསྙེན་གནས་ལ་གསེར་དངུལ་ལེན་པ་སྤོང་བ་ཡན་ལག་ཏུ་མ་བཞག་ལ། དགེ་ཚུལ་ལ་བཞག་ཅེ་ན། རབ་ཏུ་བྱུང་བ་ལ་གསོག་འཇོག་གི་ལོངས་སྤྱོད་མི་མཛེས་པས་སོ། །འོ་ན་གསེར་དངུལ་མི་ལེན་པའི་གསོག་འཇོག་ཀྱང་ཡོད་དོ་ཞེ་ན། གསེར་དངུལ་གསོག་འཇོག་གཙོ་བོ་ཡིན་པས་དེ་དག་སྤངས་པས་གཞན་དག་ཀྱང་མཚོན་ནོ། །འོ་ན་དགེ་ཚུལ་ལ་གར་སོགས་ཕྲེང་སོགས་གཉིས་སུ་ཕྱེ་ལ། བསྙེན་གནས་པ་ལ་གཅིག་ཏུ་བཞག་པ་ཅི་ཞེ་ན། ཁྱིམ་པ་ལ་ནི་ཚུལ་དང་མི་མཐུན་པ་མ་ཡིན་ལ། རབ་ཏུ་བྱུང་བ་ལ་ནི་ཚུལ་དང་མི་མཐུན་པས་ཁྱིམ་པའི་བཤགས་པ་གཅིག་གིས་འདག་ལ། རབ་ཏུ་བྱུང་བ་ལ་ནི་ལྕི་བས་དེ་དག་གིས་གོས་ན་ཉེས་པ་གཉིས་བཤགས་དགོས་པའི་ཕྱིར་གཉིས་སུ་མཛད་དེ་བཅས་ཞེས་སོ། །
Domain	ཆོས་ལུགས།