24573

དགེ་ཚུལ་སྡོམ་པ་ (1)

Part of speech	མིང་ཚིག
Definition	འདུལ་བ་རྒྱ་མཚོའི་སྙིང་པོ་ལས། རྩ་བ་བཞི་དང་ཡན་ལག་དྲུག བཅུ་སྤོང་དགེ་ཚུལ་སྡོམ་པའི། ཞེས་གསུངས་པ་ལྟར། མཁན་སློབ་དགེ་འདུན་དང་བཅས་པའི་དབུས་སུ་ངེས་འབྱུང་གི་བསམ་པས་ཀུན་ནས་བསླངས་ཏེ། སྲོག་གཅོད་པ་དང་། མི་ཚངས་སྤྱོད་དང་། མ་བྱིན་ལེན་དང་། རྫུན་སྨྲ་བ་བཅས་རྩ་བ་བཞི་དང་། གར་སོགས་འཕྲོག་སོགས་གསེར་དངུལ་ལེན་པ་བཅས་རྣམ་པ་གསུམ་གྱི་སྟེང་དུ་ཆང་འཐུང་བ་དང་། ཕྱི་དྲོའི་ཟས་ཟ་བ། མལ་སྟན་ཆེ་མཐོ་སྟེ། གསུམ་བསྣན་ནས་ཡན་ལག་དྲུག་ཏུ་འགྱུར་བ་དེ་སྤོང་བྱ་བཅུ་ཇི་སྲིད་འཚོ་བའི་བར་དུ་སྤོང་བར་ཁས་བླངས་པ་དེ་ནི་དགེ་ཚུལ་གྱི་སྡོམ་པའོ། །
Domain	ཆོས་ལུགས།