From Rangjung Yeshe Wiki - Dharma Dictionary
Jump to navigation
Jump to search
དགེ་འདུན་ཉི་ཤུ་ (1)
| Part of speech
|
མིང་ཚིག
|
| Definition
|
སེང་གེ་བཟང་པོའི་ལུགས་ཀྱི་དགེ་འདུན་ཉི་ཤུ་ནི། རྒྱུན་ཞུགས་པ་ལ་རྗེས་འབྲང་གཉིས། རྒྱུན་ཞུགས་འབྲས་གནས་ཙམ་པོ་ཁ་བསྐང། ཁྱད་པར་ཅན་རིགས་ནས་རིགས་སྐྱེ་གཉིས་ཏེ། རྒྱུན་ཞུགས་ཀྱི་སྐོར་ལ་ལྔའོ། །ཕྱིར་འོང་ཞུགས་པ་དད་མོས་མཐོང་ཐོབ་གཉིས་གཅིག་ཏུ་བསྡུས་པ་དང། འབྲས་གནས་ཙམ་པོ་ཁ་བསྐང། ཁྱད་པར་ཅན་བར་ཆད་གཅིག་པ་སྟེ་ཕྱིར་འོང་གི་སྐོར་གསུམ་མོ། །ཕྱིར་མི་འོང་ལ་ཞུགས་པ་སྔར་དང་འདྲ་བ་དང། འབྲས་གནས་ལ་འདའ་བ་བཞི། འཕར་བ་གསུམ། མཐོང་ཆོས་ཞི། ལུས་མངོན་བྱེད་དེ་ཕྱིར་མི་འོང་གི་སྐོར་བཅུ། དགྲ་བཅོམ་ཞུགས་པ་ཁ་བསྐང། རང་སངས་རྒྱས་དང་ཉི་ཤུ་སྟེ་དངོས་བསྟན་བཅུ་བདུན། ཁ་སྐོང་གསུམ་མོ། །འོག་མིན་འགྲོ་དང། སྲིད་རྩེའི་མཐར་ཐུག་འགྲོ་དང། གཟུགས་ཀྱི་ཆགས་བཅོམ་རྣམས་མི་བགྲང་བའི་ཚུལ་ནི་སྔར་ལྟར་རོ། །
|
དགེ་འདུན་ཉི་ཤུ་ (2)
| Part of speech
|
མིང་ཚིག
|
| Definition
|
འཕགས་པའི་ལུགས་ཀྱི་དགེ་འདུན་ཉི་ཤུ་ནི། རྒྱུན་ཞུགས་པ་ལ་རྗེས་འབྲང་གཉིས། འབྲས་བུ་བར་པ་གཉིས་ཀྱི་ཞུགས་པ་ལ་དད་མོས་མཐོང་ཐོབ་གཉིས། དོན་གྱིས་ཐོབ་པ་ཕྱིར་འོང་དང་ཕྱིར་མི་འོང་ཙམ་པོ་གཉིས། རྒྱུན་ཞུགས་འབྲས་གནས་ཁྱད་པར་ཅན་རིགས་ནས་རིགས་སྐྱེ་གཉིས། ཕྱིར་འོང་འབྲས་གནས་ཁྱད་པར་ཅན་བར་ཆད་གཅིག་པ། ཕྱིར་མི་འོང་འབྲས་གནས་ཁྱད་པར་ཅན་ལ་འདའ་བ་བཞི། གོང་འཕོ་གཉིས། གཟུགས་ཀྱི་ཆགས་བཅོམ། མཐོང་ཆོས་ཞི། ལུས་མངོན་བྱེད་དེ་དགུ། དོན་གྱི་ཐོབ་པ་དགྲ་བཅོམ་ཞུགས་པ། བསེ་རུ་དང་ཉི་ཤུའོ། །ཞེས་ཀུན་མཁྱེན་གོ་རམས་པའི་སྐྱེས་བུ་མཆོག་གི་གསལ་བྱེད་ལས་སོ། །
|