24607

དགེ་འདུན་དབྱེན་བྱེད་པའི་ལྷག་མ་ (1)

Part of speech	མིང་ཚིག
Definition	མདོ། འདུལ་བ། ལྷག་མ་བཅུ་གསུམ་གྱི་ནང་གསེས་ཤིག གླེང་གཞི་ནི་རྒྱལ་པོའི་ཁབ་ཏུ་ལྷས་བྱིན་གྱིས་དགེ་འདུན་འབྱེད་པ་ལས་དགེ་འདུན་ལྷག་མར་བཅས་སོ། །དགག་བྱ་ནི་རང་རིགས་ཀྱི་དགེ་འདུན་ལ་གནོད་པ་སྟེ། ཆོས་མ་ཡིན་པ་ལ་སྦྱོར་བ་དང་། དགེ་འདུན་གྱིས་བཟློག་ཀྱང་མི་གཏོང་བ་ཡན་ལག་ཏུ་དགོས་པས་ཤེས་སོ། །ངོ་ཏི་ནི་བཅས་ལྡན་དགེ་སློང་གིས་དགེ་འདུན་ཆོས་ལས་ཆོས་མ་ཡིན་པའིི་ཕྱོགས་སུ་འབྱེད་པར་བྱེད་པ་ལ་བཞམས་བསྒོ་དང་གསོལ་བཞིའི་ལས་ཀྱིས་བཟློག་ཀྱང་མི་གཏོང་བ་ལས་གྱུར་པའི་ལྟུང་བ་དངོས་གཞིའོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། ཀུན་མཁྱེན་གོ་རམས་པའི་འདུལ་བའི་སྤྱི་དོན་ལས། འདི་ལ་བཞི་ལས། གཞི་ལ་གང་དབྱེ་བར་བྱ་བའི་དངོས་པོ་ནི་ཆོས་ལས་ཐ་དད་པའི་དངོས་པོ། གང་ཟག་དབྱེ་བ་ནི་སོ་སོ་སྐྱེ་བོའི་དགེ་སློང་ཁ་སྐོང་བར་འོས་པ་གྲངས་བརྒྱད་དུ་ཚང་བ། མི་མཐུན་པ་མེད་པའོ། །དུས་དང་གནས་ནི། དང་པོ་མཐའ་སྐྱོན་ཟུང་གཅིག་གིས། །སྔ་རོལ་ཐུབ་པ་ནོངས་པ་དང། །མཚམས་མ་བཅད་པ་དག་ཏུ་ཡང། །འཁོར་ལོའི་དབྱེན་ནི་མི་འབྱུང་ངོ་། །ཞེས་པ་ལྟ་བུའོ། །འབྱེད་པ་པོ་ནི་སྡེ་སྣོད་གསུམ་ཤེས་པ། ཚུལ་ཁྲིམས་རྣམ་པར་དག་པ་དང་ལྡན་པའི་དགེ་སློང་ཁ་སྐོང་བའི་ཆོས་དང་ལྡན་པའོ། །བསམ་པ་འདུ་ཤེས་མ་འཁྲུལ་པ། ཀུན་སློང་བསམ་པ་ཐག་པ་ནས་ཆོས་ལས་ཐ་དད་པར་འབྱེད་པར་འདོད་པ་དང། བརྗོད་པ་གསུམ་པའི་མཐར་མི་གཏོང་བར་འདོད་པ་རྒྱུན་མ་ཆད་པའོ། །སྦྱོར་བ་བཟློག་པར་བྱེད་པའི་རྐྱེན་མཚན་ཉིད་དང་ལྡན་པ་ལ་ཕྱིན་ཅི་ལོག་པར་ཞུགས་ཤིང་གཞི་དེ་ཉིད་སྒྲུབ་པར་བརྩོན་པའོ། །མཐར་ཐུག་ཟློོག་བྱེད་ཀྱི་རྐྱེན་ལྔའི་མཐར་མི་གཏོང་བའོ། །རྐྱེན་ལྔ་ནི། བཞམས་ཏེ་བསྒོ་བ། གསོལ་བ། བརྗོད་པ་གསུམ་མོ། །ཞེས་གསུངས། པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས། བཅས་ལྡན་དགེ་སློང་རང་བཞིན་དུ་གནས་པས་དགེ་འདུན་དབྱེན་གྱི་གཞི་ལ་ཞུགས་པ་ལ་ཟློག་བྱེད་ཀྱི་རྐྱེན་ལྔས་བཟློག་ཀྱང་མི་གཏོང་བའི་བཅས་པས་ཁ་ན་མ་ཐོ་བ་དེ་ཡིན་ཏེ། མདོ་རྩར། ཟློག་པའི་ཚུལ་གྱི་མི་གཏོང་བར་རྗེས་སུ་བསྒྲུབ་པའི་རང་བཞིན་ནི་རྗེས་སུ་མཐུན་ནོ། །ཞེས་པ་ནས་དེ་དག་གཞམས་པ་དང་ལས་ཀྱིས་མི་བསྒོ་བར་མི་བྱའོ། །དེའི་མཐའ་ལ་མི་གཏོང་ནའོ། །ལྟུང་བར་བྱེད་པ་ཉིད་དོ། །དབྱེན་ལའོ། །དགེ་འདུན་གྱིའོ། །ཞེས་གསུངས།
Domain	ཆོས་ལུགས།