24621

དགེ་འདུན་འཁོར་ལོའི་དབྱེན་ (1)

Part of speech	མིང་ཚིག
Definition	མདོ། མངོན་པ། དགེ་འདུན་གྱི་དབྱེན་ནི་དགེ་འདུན་སྡེ་གཉིས་ཐུགས་རྩེ་མི་འཕྲོད་པའི་རང་བཞིན་ལྡན་པ་མིན་པའི་འདུ་བྱེད་ཀྱི་ཆོས་ཉོན་མོངས་པ་ཅན་མིན་ཞིང་། ལུང་བསྟན་ཡང་མིན་པས་མ་བསྒྲིབས་པའི་ལུང་མ་བསྟན་ཏེ། དབྱེན་དེ་དང་ཕྱོགས་གཉིས་ཀའི་དགེ་འདུན་ཡང་དག་པར་ལྡན་ཏེ། འདི་ནི་མཚམས་མེད་ཡིན་ནོ། །དབྱེན་དེའི་ངོ་བོ་ནི་ཁ་ན་མ་ཐོ་བ་ཆེན་པོའི་རྫུན་ཏེ། དེ་དང་འབྱེད་པོ་ལྷས་སྦྱིན་སོགས་ལ་ཡང་དག་པར་ལྡན་ནོ། །ཞེས་ཀུན་མཁྱེན་རོང་སྟོན་གྱི་མངོན་མཛོད་རྣམ་བཤད་ཤེས་བྱ་རབ་གསལ་ལས་སོ། ། དགེ་འདུན་གྱི་དབྱེན་ནི་དགེ་འདུན་སྡེ་གཉིས་མི་འཕྲོད་པའི་རང་བཞིན་དུ་གྱུར་པ་ལྡན་པ་མ་ཡིན་པའི་ཆོས་འདུ་བྱེད་རྫས་སུ་གྲུབ་པ་ཞིག་ཡོད་དོ་ཞེས་བྱ་བ་ནི་བྱེ་བྲག་ཏུ་སྨྲ་བའི་ཡིན་ནོ། །དེ་ཡང་ཉོན་མོངས་པ་ཅན་ཡང་མིན་ལ་དགེ་བར་ལུང་བསྟན་པའང་མིན་པའི་ཕྱིར་མ་བསྒྲིབས་ལ་ལུང་མ་བསྟན་པའོ། །དེ་ལྟ་བུའི་དབྱེན་དེ་དང་ནི་ཕྱོགས་གཉིས་ཀྱི་དགེ་འདུན་རྣམས་ཡང་དག་པར་ལྡན་ལ་མཚམས་མེད་པའི་ལས་ནི་མ་ཡིན་ནོ། །ལས་དེ་ཡང་གང་ཞེ་ན། དགེ་འདུན་གྱི་དབྱེན་དེའི་རྒྱུ་ཁ་ན་མ་ཐོ་བའི་ལས་ནི་དགེ་འདུན་འབྱེད་པར་བྱེད་པའི་རྫུན་ཏེ། དེ་ལྟ་བུའི་རྫུན་དེ་ནི་མཚམས་མེད་ཡིན་ལ། དེ་དང་ནི་དགེ་འདུན་འབྱེད་པར་བྱེད་པ་པོ་ལྷས་བྱིན་ལ་སོགས་པ་ཡང་དག་པར་ལྡན་ནོ། །ཞེས་མཛོད་འགྲེེལ་མངོན་པའི་རྒྱན་ལས་སོ། །
Domain	ཆོས་ལུགས།