24726

དགེ་སྦྱོང་གི་ཚུལ་ (1)

Part of speech	མིང་ཚིག
Definition	དགེ་ཚུལ་སློང་གི་སྡོམ་པ་ལ་གོ་སྟེ། འདུལ་བ་ལུང་ལས། དགེ་སྦྱོང་གི་ཚུལ་ཞིག་པར་འགྱུར་ཞིང་ཉམས་པ། བཅོམ་པ། ལྟུང་བ་ཕམ་པར་འགྱུར་བ་སྟེ། དེའི་དགེ་སྦྱོང་གི་ཚུལ་ཕྱིར་བླང་དུ་མེད་པར་འགྱུར་རོ། །ཞེས་གསུངས་པས།
Domain	ཆོས་ལུགས།

དགེ་སྦྱོང་གི་ཚུལ་ (2)

Part of speech

མིང་ཚིག

Definition

ཟག་མེད་ཀྱི་བར་ཆད་མེད་ལམ་ཏེ། དེས་ཉོན་མོངས་པ་ཡང་དག་པར་ཞི་བར་བྱེད་པའི་སྒོ་ནས་དགེ་སྦྱོང་དུ་འགྱུར་ཏེ། མདོ་ལས། འདིས་སྡིག་པ་མི་དགེ་བའི་ཆོས་ཞེས་བྱ་བ་ནས་རྒྱས་པར་རྒ་ཤིར་འགྱུར་པའི་བར་རྣམ་པ་དུ་མ་ཞི་བར་བྱ་བ་ཡིན་པས། དེའི་ཕྱིར་དགེ་སྦྱོང་ཞེས་གསུངས་པའི་ཕྱིར་རོ། །སོ་སོ་སྐྱེ་བོ་ནི་གཏན་དུ་ཞི་བར་མི་བྱེད་པའི་ཕྱིར་དོན་དམ་པའི་དགེ་སྦྱོང་མ་ཡིན་ནོ། །དེ་ཡང་དགེ་སྦྱོང་ནི་ཉོན་མོངས་པ་ཅི་རིགས་པར་གཏན་དུ་ཞི་བའི་རྒྱུད་དེ། འཕགས་པའི་གང་ཟག་ཡིན་ལ། ཉོན་མོངས་པ་གཏན་དུ་ཞི་བར་བྱེད་པའི་ཐབས་དགེ་སྦྱོང་གི་ཚུལ་ནི་དྲི་མ་མེད་པའི་བར་ཆད་མེད་ལམ་མོ། །དེས་ན་དགེ་སྦྱོང་གི་ཚུལ་ནི་དྲི་མ་མེད་པའི་བར་ཆད་མེད་ལམ་བརྒྱད་ཅུ་རྩ་དགུ་ཡོད་དོ། །རྣམ་གྲོལ་གྱི་ལམ་ནི་དགེ་སྦྱོང་གི་ཚུལ་གྱི་འབྲས་བུ་སྟེ། འདུས་བྱས་དང་འདུས་མ་བྱས་རྣམས་ཡིན་ནོ། །དེ་དག་ཀྱང་མདོ་ལས་རྣམ་པ་བཞིར་གསུངས་སོ། །