24777

དགེ་སློང་གི་ངོ་བོ་ (1)

Part of speech	མིང་ཚིག
Definition	མདོ། འདུལ་བ། སྤོང་བ་བདུན་འཁོར་དང་བཅས་པ་སྤང་བྱ་མཐའ་དག་སྤོང་བའི་སྡོམ་པ་དང་ལྡན་པའི་གང་ཟག་སྟེ། ཊཱི་ཀ་ལས། སྤོང་བ་བདུན་འཁོར་དང་བཅས་པ་ཞེས་པ་དང་། མཛོད་འགྲེལ་ལས་ལུས་དང་ངག་གི་ལས་སྤང་བར་བྱ་བ་ཐམས་ཅད་སྤོང་བ་ཡང་དག་པར་བླངས་པ་ནི་དགེ་སློང་ཡིན་ཞེས་སོ། །མཚན་གྱི་སྒོ་ནས་ཕྱེ་ན་དགེ་སློང་ཕ་མ་གཉིས་ཏེ། དགེ་སློང་དང་དགེ་སློང་མ་བསྙེན་པར་རྫོགས་པ་དང་ཞེས་སོ། །རྣམ་འབྱེད་ལས། མིང་གི་དགེ་སློང་དང་། ཁས་འཆེ་བའི་དང་། སློང་བའི་དང་། ཉོན་མོངས་པ་བཅོམ་པའི་དང་། གསོལ་བ་དང་བཞིའི་ལས་ཀྱིས་བསྙེན་པར་རྫོགས་པའི་དགེ་སློང་དང་ལྔར་ཕྱེ་སྟེ། དགེ་སློང་བཏགས་པ་བ་གསུམ་དང་མཚན་ཉིད་པ་གཉིས་ཏེ་ཅི་རིགས་པའོ། །དགེ་སློང་གི་སྒྲ་བཤད་ནི། བིཀྵུ་ཞེས་པའི་སྒྲ་ལས་དྲངས་ན་དོན་དམ་པའི་དགེ་བ་མྱ་ངན་ལས་འདས་པའི་དོན་འཚོལ་ཞིང་ཆོས་དང་ལྡན་པའི་བསོད་སྙོམས་སློང་བས་ན་དགེ་སློང་ཞེས་མཁན་པོ་ཛི་ན་མི་ཏྲ་ལ་སོགས་པ་བཞེད་དོ། ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། །
Domain	ཆོས་ལུགས།