24841

དགེ་སློང་དང་བླ་གབ་མེད་པ་ན་འགྲེང་བའི་ལྟུང་བྱེད་ (1)

Part of speech	མིང་ཚིག
Definition	མདོ། འདུལ་བ། གླེང་གཞི་ནི་སྦེད་མས་འཆར་ཀ་དང་ལྷན་ཅིག་དབེན་པ་བླ་གབ་མེད་པ་ན་འགྲེང་བ་ལས་སོ། །དགག་བྱ་ནི་ཆགས་པས་རྒྱུ་བྱས་ཏེ་རང་རིགས་ཀྱི་བསླབ་པ་ལ་གནོད་པའོ། །བླ་གབ་མེད་པ་སྟེ་སྟེང་གཡོགས་མེད་པ་ན་དགེ་སློང་མ་གཅིག་པུ་དགེ་སློང་དང་ལྷན་ཅིག་དབེན་པ་བླ་གབ་མེད་པ་ན་འདོམ་གང་གི་ནང་ཚུན་ཆད་དུ་ཁྲིམས་གྲོགས་མེད་པར་འགྲེང་པ་ལ་ལྟུང་བྱེད་དུ་འགྱུར་རོ། །བླ་གབ་མེད་པ་ནི་མཚོན་པ་ཙམ་སྟེ་རྩིག་པ་དང་ཡོལ་བ་ལ་སོགས་པའི་སྐྱབས་མེད་པ་ནའོ། །དགེ་སློང་མའི་རྣམ་འབྱེད་ལས་བླ་གབ་མེད་པ་ཞེས་བྱ་བ་ནི་ཐང་ལའོ། །ཞེས་གསུངས་ཤིང་། ཊཱི་ཀ་ལས་བླ་གབ་མེད་པ་ཞེས་བྱ་བ་བར་ཆད་མེད་པའི་ཕྱོགས་ན་ཞེས་བཤད་དོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། །
Domain	ཆོས་ལུགས།

{{#arraymap:དགེ་སློང་དང་བླ་གབ་མེད་པ་ན་འགྲེང་བའི་ལྟུང་བྱེད་

|; |@@@ | | }}