24855
< Dictionaries | Monlam Grand
Jump to navigation
Jump to search
| Part of speech | མིང་ཚིག |
|---|---|
| Definition | འབྲུག་ཞབས་དྲུང་རིན་པོ་ཆེའི་(༡༥༩༤-༡༦༥༡)བརྒྱུད་འཛིན་སློབ་མ་བཞིའི་ཡ་གྱལ། དགེ་སློང་བདེ་ཆེན་ལྷུན་གྲུབ་མཆོག་ནི། སྟོད་པ་ཕན་བདེ་ཁར་འཁྲུངས། སྐུ་ནར་སོན་ནས་གདན་ས་ར་ལུང་དུ་བྱོན། རྗེ་བསྟན་ཉི་ཡབ་སྲས་ལ་གཏུགས་ཏེ་འབྲུག་སྐོར་གྱི་གདམས་པ་ཡོངས་རྫོགས་གསན། ཡོངས་འཛིན་ལྷ་དབང་ལས་ཚིགས་གསུམ་ཆིག་རྫོགས་སུ་བཞེས། སྐྱབས་མགོན་ཞབས་དྲུང་གི་ཕྱག་ཕྱིར་ལྗོངས་འདིར་བྱོན། རི་ཁྲོད་འགྲིམས་ནས་སྦྱངས་ཡོན་ལ་གནས་པའི་འདུལ་འཛིན་དགེ་སློང་དང༌། ཕྱག་ཆེན་གྱི་གནས་ལུགས་གཟིགས་པའི་རྟོགས་ལྡན་ཞིག་ཏུ་གྱུར། ཕྱིས་སྟོད་པ་སྡོམ་ལྡན་དགོན་པ་བཏབ་སྟེ་ཚོགས་པ་བསྐྱངས་པས་སློབ་མ་འགྲོ་དོན་ནུས་པ་མང་དུ་བྱུང་བ་ལས། གཙོ་བོར་གྲུབ་ཆེན་ངག་དབང་བསམ་གཏན་ཡིན། དེའི་སློབ་མ་ལ་མཁན་དམ་ཆོས་པད་དཀར། དེ་ལའང་སློབ་མ་མང་དུ་བྱོན་པ་ལས་མཁས་གྲུབ་བསྟན་འཛིན་དོན་གྲུབ་ལས། མཁན་བསྟན་འཛིན་ཆོས་རྒྱལ། ཀོམ་འཕྲང་ཆོས་རྗེ་ཤེར་འབྱུང༌། དགེ་སློང་འབྲུག་པད་དཀར་སོགས་བརྒྱུད་འཛིན་སློབ་མ་བཟང་ལ་མང་བ་བྱོན་ཏེ། ལྷོ་ཡུལ་དང་མཁན་པ་ལྗོངས་རྣམས་སུ་འགྲོ་དོན་རྒྱ་ཆེར་བྱུང་ངོ༌། ། |
{{#arraymap:དགེ་སློང་བདེ་ཆེན་ལྷུན་གྲུབ་
|; |@@@ | | }}