24915

དགེ་སློང་མའི་ལུས་བཀན་པའི་ཕམ་པ་ (1)

Part of speech	མིང་ཚིག
Definition	མདོ། འདུལ་བ། གླེང་གཞི་ནི་སྦོམ་དགའ་མོས་སྤོས་འཚོང་གི་ཁྱེའུ་ལ་ཆགས་པར་གྱུར་ཏེ་དུས་བཏབ་བྱས་ནས་འཁྲིག་ཐབས་སུ་ཉེ་བས་ལུས་བཀན་པ་ན་ཚུལ་ཁྲིམས་ཀྱི་ཕན་ཡོན་དྲན་ཏེ་སྤོས་འཚོང་གི་ཁྱེའུ་དེ་ལ་རྡོག་པ་རྒྱབ་ནས། བདུད་བཅོམ་མོ། །བདུད་བཅོམ་ཞེས་ཟེར་བ་ལས་ལུས་བཀན་པའི་ཕམ་པར་བཅས་སོ། །དགག་བྱ་ནི་འཁྲིག་པའི་འདོད་ཆགས་འཕེལ་བར་འགྱུར་བའོ། །ངོ་ཏི་ནི་དགེ་སློང་མ་ཆགས་པར་གྱུར་པས་སྐྱེས་པ་མཚན་ཉིད་དང་ལྡན་པ་འཁྲིག་པ་བསྟེན་པའི་ཆེད་དུ་ཉེ་བར་གནས་པ་དང་ལྷན་ཅིག་ཏུ་ལུས་བཀན་པ་རྫོགས་པ་ལས་གྱུར་བའི་ལྟུང་བ་དངོས་གཞིའོ། །ཡན་ལག་གི་དོན་ནི་ལུས་བཀན་པ་ལའོ་ཞེས་སོ། །ཊཱི་ཀ་ལས་ལུས་བཀན་པ་ཞེས་བྱ་བ་ནི་ཉལ་བའོ་ཞེས་སོ། །ཞེས་ཀུན་མཁྱེན་མཚོ་སྣ་བའི་མདོ་རྩའི་རྣམ་བཤད་ཉི་མའི་འོད་ཟེར་ལས་སོ། ། བཅས་ལྡན་དགེ་སློང་མས་ཆགས་སེམས་ཀྱིས་ལུས་བཀན་པའམ། ཉལ་ནས་སྐྱེས་པ་ཆགས་ལྡན་ལ་དབང་པོ་ཕན་ཚུན་མ་སྤྲད་པར་རེག་པ་ཙམ་གྱི་ཚོར་བ་མྱོང་བའི་ལྟུང་བ་དེ་ལུས་བཀན་གྱི་ཕམ་པ་ཡིན་ཏེ། མདོ་རྩར། ལུས་བཀན་པ་ལའོ། །ཆགས་པར་གྱུར་པས་བརྟེན་པའི་ཕྱིར་ཉེ་བར་གནས་པའི་སྐྱེས་པ་ཆགས་པའི་ཕྱིར་རོ། །དེས་སྤྲད་དུ་རུང་བ་ཉིད་ལའོ། །ཞེས་པཎ་ཆེན་ངག་ཆོས་ཀྱི་འདུལ་བའི་སྤྱི་དོན་ཐུབ་བསྟན་ཉིན་བྱེད་ལས་སོ། །
Domain	ཆོས་ལུགས།